5 Mana ata wananyahe, ne kawakomuamini.
Wakati Insa raha akolagua na idunia ile, mayahe na wananyahe wawaswili v̄ondze hule, wakotsaha walaguwe na waye.
Wakati wadjemazahe wa Insa wapara haɓari zile, waja wamurenge, mana wakorongoa amba alatsiha fikira.
Ɓadi ɓaanda wananyahe wahea hari mwa uMusherehio, Insa ahea hule wajau, tsi ha hadhwira, ɓadi ha siri.
Ɓas, wananyahe wamuambia: «Lawa v̄anu, wendre hari mwa iYudeya, ile pare maswihaɓa yaho yaone wajau trongo za ãdjaɓu uzifanyao.
Mana kav̄u mutru afanyao trongo zahe sirini neka asutsaha ajulihwane ha dhwahiri. Ɓaanda ufanyao trongo zizo, v̄av̄o dzionese ha piya lidunia.»
