YUHANI 7:30 - Ha`bari Ndjema ya I Maore

³⁰ Ɓas, wakotsaha wamuziye, ɓadi kav̄waka ata mutru av̄eleha umuhono amusike, mana wakati wahe raha kawaka wapara.

YUHANI 7:30 ပူးပေါင်းရင်းမြစ်များ

MATIYO 12:14

Ɓasi watru wa ishama ya Mafarisayo waka v̄ale walawa, wakwendra wapange namuna ya umuangamidza Insa.

MATIYO 21:46

Ɓas wakotsaha wamusike, ɓadi wakoria idunia, iv̄o yakomurenga amba waye mutrume.

MARKUSI 11:18

Matolezi Maɓole ya Masadaka|Mutolezi-Masadaka na yaMafundi ya Sharia ukia yawo trongo zile, wakozunguha ndzia ya umuula, mana wakomuria, iv̄o watru piya wakotaãdjaɓu na yimisomo yahe.

LUKASI 20:19

Matolezi Maɓole ya Masadaka na Mafundi ya Sharia wakozunguha ndzia ya umusika wakati ɗe uwo ule kamwe, ɓadi wakoria idunia. Waka waelewa amba ɗe ha siɓaɓu ya wao ɗe Insa arongoa mufano ule.

LUKASI 22:53

Kula suku nakoka na wanyu moni mwa iNyumba Ndzitwaharifu, wala kamwanisika. Ɓadi unu ɗe wakati wanyu, na wa ushindzi wa ishidza.»

YUHANI 10:31

Sa ile Mayahudi yarenge mawe raha, wakotsaha wamuvutsiyewo.

YUHANI 10:39

Ɓas, v̄ale wakodjereɓu tsena umuzia, ɓadi awalawia mihononi hawo.

YUHANI 11:57

Na yaMatolezi Maɓole ya Masadaka v̄umoja na yaMafarisayo waka watoa ãmuri amba mutru yotsi atsojuao v̄ahali Insa alio awaambiye, pare wamusike.

YUHANI 7:19

Hali Musa kamuv̄ani iSharia? Na kav̄u ata moja hanyuju aɗungao iSharia. Manatrini mutsahao muniule?»

YUHANI 7:32

Watru wa ishama ya Mafarisayo wakia idunia iv̄o yakonguruma trongo zile uhusu Insa. Ɓas, yaMatolezi Maɓole ya Masadaka|Mutolezi-Masadaka na Mafarisayo yav̄eleha magogezi yandre yamuziye.

YUHANI 7:6

Ɓas, Insa awaambia: «Wakati wangu raha kawaja, ɓadi hanyuju, kula wakati ɗe uwo.

YUHANI 7:8

Namwendre wanyu hari mwa uMusherehio. Wami tsisendra hari mwa Musherehio uwo, mana wakati wangu raha kawatsimidziha.»

YUHANI 8:20

Insa arongoa marongozi yale wakati akosomedza moni na iNyumba Ndzitwaharifu, v̄ahanu v̄waka iɓweta ya zaka. Na kav̄waka ata mutru amuzia, mana wakati wahe raha kawaka wapara.

YUHANI 8:37

Nisujua amba wanyu zilembwe za Iɓrahima. Ɓadi musutsaha muniule, mana urongozi wangu kausupara ɓandza moni hanyu.

YUHANI 8:59

Ɓas, v̄ale warenge mawe wamuvutsiye, ɓadi Insa awav̄itsi, alawa hari mwa iNyumba Ndzitwaharifu.

YUHANI 9:4

Raha rilio mutsana, irilazimu rifanye hazi za Ule aniv̄eleha. Uku usuja, ulio amba kav̄u ata mutru atsoshindrao afanye hazi.