41 Utukuziwa na wanadamu tsi ɗe niitsahao.
Mana wakov̄endza sifa za wanadamu rahana sifa za Mungu.
Hanguju tsi ha mwanadamu ɗe niparao ushahidi; ɓadi nisurongoa zini pare wanyu muhuyiwe.
Wala kamusukiri mwanijilia pare mwakana uhayati.
Ɓadi wami umujuani, amba kamusina hanyuju uv̄endza wa Mungu.
Ha namuna jeje mutsoshindrao muamini, wanyu murengao sifa zanyu wanyu ha wanyu, ne kamusutsaha mwapara sifa yalawa ha Mungu kana wa v̄ili?
Ɓadi Insa ujua yahe amba watru wakoja wamurenge ha nguvu wamufanye mufalume, adzivuru tsena mulimani waye weke.
Mutru alaguao ha iwaye yahe, uwo asutsaha sifa zahe monyewe. Ɓadi uwo atsahao sifa za Ule amuv̄eleha, uwo wa kweli, kav̄u unafiki utsokao yotsi haheju.
Tsisudzitsashia utukufu, ɓadi v̄wa wangina autsahao, na waye ɗe anamuao.
Insa adjiɓu: «Neka nisudzitukuza wami yangu, utukufu wangu kauna mana. Ɓaɓangu ɗe anitukuzao, uwo murongoao amba waye ɗe Mungu wanyu,
Karakotsaha sifa zalawa ha wanadamu, tsi ha wanyu, wala tsi ha wangina.
Na ha iyo ɗe mwahirwa, mana Kristi wajau ne aondesheha ha umufayidishani, amulishiani mufano, ile muɗunge yimirohoro yahe:
Mana apara ha Mungu Ɓaɓa hishima na utukufu, wakati liji lamujilia ulawa ha Mwendza Utukufu Muhu, amba: «Unu ɗe uMwana muv̄endzewa wangu, tsena wami ujiv̄iwa halisi na waye.»
