Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»
Ɓas, wav̄elehwa na iDjama Ndziwaminifu, wav̄iria iFonikiya na Samariya ha ujudza umuzingio wa roho wa zinishani zangina, ata wafurahisha halisi piya uwananya wa shi uaminifu.
Ɓadi wakati waja wamuamini Filiɓusa iv̄o akowajudza iHaɓari Ndjema ya uUtawalizi wa Mungu na lidzina la Insa-Kristi, rangu watruɓaɓa ata watrumama waja waɓaĩshiwa ha maji|uɓaĩsha.
Ɓas, ɓaanda watoa ushahidi wa uaminifu wawo na ujudza Urongozi wa Mola, Monye na Yuhani waregea Yerusalemu ha utekeleza iHaɓari Ndjema hari mwa malago mengi ya Samariya.