YUHANI 4:34 - Ha`bari Ndjema ya I Maore

³⁴ Insa awaambia: «Shahula yangu ɗe wami ufanya yamav̄endzeleo ya Uwo aniv̄eleha, na utsimidza urumwa wahe.

YUHANI 4:34 ပူးပေါင်းရင်းမြစ်များ

MATIYO 26:39

Atsengelea mbeli mwanapav̄i, areme uuso v̄otsi, amwesa amia Mungu ha urongoa: «Ɓaɓangu, neka iyo trongo mukinishiha, ishikombe ya matreso ini iv̄ire mbali na wami; ɓadi tsi ɗe mav̄endzeleo yangu, ɓadi yaho.»

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

MATIYO 9:19

Sa ile Insa ahimi, amuɗungu v̄umoja na maswihaɓa yahe.

LUKASI 15:10

Ɗe namuna iyo tsena ɗe nimuambiaoni amba v̄wa furaha hari mwa zimalayika za Mungu ha siɓaɓu ya muãswifu moja andra toɓa.»

LUKASI 19:10

Mana uMwana wa Mwanadamu aja azunguhe na uhuyi wao wapotea.»

LUKASI 2:49

Awaambia: «Manatrini mwakonizunguha? Hali kamwajua amba ilazimu nishahilihe na zitrongo za Ɓaɓangu?»

YUHANI 17:4

Tsihutukuza ulemenguni, tsitsimidza izo waniv̄a nifanye.

YUHANI 19:28

Ɓaanda ya v̄ale, Insa iv̄o akojua amba piya trongo zitsimidziha, arongoa pare uMuangishio Mutwaharifu utsimidzihe: «Nisuona nyora.»

YUHANI 19:30

Ɓaanda Insa anwa siki ile, arongoa: «Zitsimidziha piya.» Amwesa anyamisa ishitswa, roho yahe imulawia.

YUHANI 4:32

Ɓadi awaambia: «Tsina ya uɗya shahula ilio amba wanyu kamuiji.»

YUHANI 5:30

Wami tsishindri nafanya yotsi ha iwami yangu. Ha uɗunga iyo niikiao ɗe nihukumuo; na hukuma yangu, iyo ya haki, mana mav̄endzeleo yangu tsi ɗe niyatsahao, ɓadi mav̄endzeleo ya Uwo aniv̄eleha.»

YUHANI 5:36

Ɓadi wami tsina ushahidi muɓole rahana wa Yahaya. Mana zitrendro Ɓaɓa aniv̄azo nizitsimidze, zini kamwe nizifanyao, zisunilawia ushahidi amba Ɓaɓa ɗe aniv̄eleha.

YUHANI 6:33

Mana lidipe la Mungu ɗe uwo ashukao ha ulawa pev̄oni, av̄e uhayati ulemengu.»

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

YUHANI 8:29

Uwo aniv̄eleha, a na wami. Kanilisha weke, mana ha daima, wami ufanya izo zimujiv̄iao.»

MAV̄INGIZI-RISALA 20:35

Hari mwa piyazo tsimuonesani amba ha udziruma namuna ini ɗe ralazimu risaidiye wao kawasudzishindra, na unahana yamarongozi ya Raɓi Insa ayarongoa waye ha waye: ‹Uv̄a ina furaha zaidi rahana upara.› »

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.