YUHANI 4:10 - Ha`bari Ndjema ya I Maore

¹⁰ Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

YUHANI 4:10 ပူးပေါင်းရင်းမြစ်များ

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

MUV̄ENULIO 7:17

Mana uMwana Ɓariɓari alio hari-hari na ishiri ya ufalume atsowatsunga na uwav̄inga hari mwa matso ya maji ya uhayati. Na Mungu atsov̄angua kula tsozi la matso yawo.› »

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

MUV̄ENULIO 22:17

iRoho na umushe-harusi wasurongoa: «Ko!» Uwo akiao narongowe: «Ko!» Mwendza nyora naje; uwo atsahao, narenge maji ya uhayati, ɓila uliv̄a.

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

1 MAKORINTIYO 10:4

na tsena piyawo wano shinoa ɗe wiyo-wiyo ya shiroho; kweli amba wakonwa shinoa yakolawa hari mwa ɓwe-monye la shiroho lakowaɗunga, na ɓwe-monye lilo lika ɗe Kristi.

YUHANI 6:35

Sa ile Insa awaambia: «Wami ɗe lidipe la uhayati. Mutru anijiliao, katsoona ndza dahari yahe, na uwo aniaminio, katsoona nyora ata idahari.

YUHANI 17:3

Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

YUHANI 6:51

Wami ɗe lidipe lilio hayi lashuka ulawa pev̄oni. Neka mutru asuɗya lidipe lini, atsoẽshi dahari. Na lidipe nitsoliv̄ao, ɗe umwili wangu nitsouv̄ao, pare lidunia likane uhayati.»

2 MAKORINTIYO 9:15

Mungu nahimidiwe ha ineema kaina mufano yahe.

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

MAEFESO 2:8

Mana ha rehema ɗe mwahuyiwa, ha ndzia ya uaminifu. Na iyo kaisuja ulawa hanyuju, ɓadi iyo ɗe ineema ya Mungu.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

YUHANI 16:3

Watsofanya namuna iyo mana kawamujua Ɓaɓa, wala wami.

MAV̄INGIZI-RISALA 9:11

Ɓas, Raɓi amuambia: «Hima, wendre hari mwa indzia ihiriwao Sawa-sawa, hari mwa inyumba ya Yudasi, udzise mutru ahiriwao Saulusu wa shi Tarsisi. V̄anu kamwe asufanya mamilio,

MAHEƁRANIYA 6:4

Tsi mukinishiha amba wao waunishiwa suku, wapara ladha ya ineema ya shipev̄oni, warenga fuvu na iRoho Ndzitwaharifu,