YUHANI 3:6 - Ha`bari Ndjema ya I Maore

⁶ Iyo yadzalwa ha mwili, uwo mwili, na iyo yadzalwa ha iRoho, iyo roho.

YUHANI 3:6 ပူးပေါင်းရင်းမြစ်များ

YUHANI 1:13

walio amba wadzalwa tsi ha shimwanadamu, wala tsi ha shahawa ya umwili, wala tsi ha yamav̄endzeleo ya mwanadamu, ɓadi wadzalwa ha iwaye yahe Mungu.

YUHANI 3:7

Usushange iv̄o nahuambia amba: ‹Ilazimu mudzalwe mara yangina raha.›

MAROMU 7:18

Nisujua amba kav̄u ndjema ilio moni hangu, yaãni v̄av̄o, hari mwa ihali ya shiuɓinadamu yangu. Kweli amba inia ya ufanya ndjema ya v̄av̄o, ɓadi ushindzi wa uifanya ɗe kav̄u.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

1 MAKORINTIYO 6:17

Ɓadi uwo adzifungamanisao na Raɓi, ufanyiha roho moja na waye.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAEFESO 2:3

Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

MAKOLOSIYA 2:11

Hari mwa uv̄umoja na waye raha, wanyu mutahiriwa|utahiri, wala tsi matahiri yafanyiwa ha mihono ya wanadamu, ɓadi ɗe mutru utolewa ushindzi wa itaɓia ya shiuɓinadamu; na yao ɗe matahiri ya shiKristi.

1 YUHANI 3:9

Mutru yotsi adzalishiha shi Mungu waye kaãswi, mana ihali ya Mungu uɓaki moni hahe. Kashindri uãswi iv̄o adzalishiha shi Mungu.