YUHANI 3:18 - Ha`bari Ndjema ya I Maore

¹⁸ Mutru amuaminio, waye kahukumilwa uãdhiɓilwa, ɓadi uwo kaamini, madza ahukumulwa aãdhiɓiwe ha iv̄o kaamini uMwana moja-moja wa Mungu.

YUHANI 3:18 ပူးပေါင်းရင်းမြစ်များ

1 YUHANI 5:10

Mutru aaminio uMwana wa Mungu, waye ukana ushahidi uwo moni hahe. Uwo kasuamini Mungu, asumufanya munafiki, iv̄o kasuamini ushahidi Mungu autoa ju la uMwana wahe.

MARKUSI 16:16

Uwo atsoaminio amwesa atsoɓaĩshiwao|uɓaĩsha, atsohuyiwa, ɓadi uwo katsoamini, atsohukumulwa.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

1 YUHANI 5:12

Monyewe ukana uMwana, ana uhayati; uwo kasina uMwana wa Mungu, kasina uhayati.

YUHANI 3:36

Monyewe uamini uMwana ana uhayati mukamilifu wa daima, ɓadi uwo ahara uamini uMwana katsoona uhayati, ɓadi hadhaɓu ya Mungu uketsi ju lahe.»

MAROMU 5:1

Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi.

1 YUHANI 4:9

Tsini inamuna uv̄endza ya Mungu yav̄enuha hatruju: Mungu av̄eleha Mwana moja-moja wahe ulemenguni, pare rikane uhayati ha waye.

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

YUHANI 6:47

Nisumuambiani ha kweli, monyewe uamini, uwo ana uhayati mukamilifu wa daima.

YUHANI 6:40

Mana mav̄endzeleo ya Ɓaɓangu ɗe uka amba mutru yotsi aonao uMwana, amuaminio, akane uhayati mukamilifu wa daima; na wami nitsomuregeza hayi isuku ya mwiso.»

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

YUHANI 1:12

Ɓadi ha piya wao wamukuɓali, ha wao wamuaminio, awav̄a ushindzi wa ufanyishiha wana wa Mungu

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

MAHEƁRANIYA 3:19

Risuona ha uzuri amba kawashindra wangia iv̄o kawakana uaminifu.

1 YUHANI 3:23

Na tsini ãmuri yahe: amba riamini ha lidzina la uMwana wahe Insa-Kristi, tsena riv̄endzane wasi na wasi, mauri ɗe inamuna ariãmurisha.