YUHANI 17:3 - Ha`bari Ndjema ya I Maore

³ Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

YUHANI 17:3 ပူးပေါင်းရင်းမြစ်များ

MARKUSI 9:37

«Mutru yotsi arengao mwanamutsa mauri ɗe unu ha lidzina langu, uwo asunirenga ɗe wami; na mutru yotsi anirengao, kasunirenga ɗe wami, ɓadi ɗe Uwo aniv̄eleha.»

LUKASI 9:48

amwesa awaambia: «Mutru yotsi arengao mwanamutsa mutiti unu ha lidzina langu, asunirenga ɗe wami; na mutru yotsi anirengao, asurenga Uwo aniv̄eleha. Mana umutiti rahana umutiti hari mwa wanyu piyanyu, uwo ɗe umuɓole.»

YUHANI 10:36

Na wanyu musurongoa amba uwo Ɓaɓa amutwaharisha, amuv̄eleha ulemenguni, asumukufuru Mungu ha iv̄o narongoa: ‹Wami Mwana wa Mungu›.

YUHANI 11:42

Hanguju nakojua amba ha dahari wawe univulishia. Ɓadi tsilagua ha siɓaɓu ya idunia yanizingidzia, pare waamini amba wawe ɗe waniv̄eleha.»

YUHANI 14:26

Ɓadi uMusaidizi, ne ɗe iRoho Ndzitwaharifu Ɓaɓa atsomuv̄elehao ha lidzina langu, atsomufundrisani piya zitrongo, na umunahanidzani piya izo namuambiani.

YUHANI 17:18

Mauri ɗe inamuna waniv̄eleha hari mwa ulemengu, tsiwav̄eleha wajau hari mwa ulemengu.

YUHANI 17:21

ile pare piyawo wake shitru moja, mauri ɗe wawe, Ɓaɓa, namuna ulio moni hangu, na namuna wami nilio moni haho, v̄av̄o wao wajau nawake hari mwa uv̄umoja watru, ile ulemengu uamini amba univ̄eleha.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

YUHANI 17:25

Ɓaɓa wa haki, ulemengu kawahujua, ɓadi wami tsihujua, na wanu wajua amba univ̄eleha.

YUHANI 17:8

Mana tsiwav̄a yamarongozi waniv̄ayo, tsena wayakuɓali. Wajua ha kweli amba tsilawa hahoju, tsena waamini amba univ̄eleha.

YUHANI 3:17

Mana Mungu kav̄eleha uMwana wahe ulemenguni amba auhukumu uãdhiɓilwe, ɓadi ulemengu uhuyiwe ha ndzia yahe.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

YUHANI 5:44

Ha namuna jeje mutsoshindrao muamini, wanyu murengao sifa zanyu wanyu ha wanyu, ne kamusutsaha mwapara sifa yalawa ha Mungu kana wa v̄ili?

YUHANI 6:57

Mauri ɗe inamuna Ɓaɓa alio hayi aniv̄eleha, tsena niẽshio ha waye Ɓaɓa, mutru aniɗyao, atsoẽshi ha iwami.

YUHANI 7:29

Wami umujua, mana tsilawa haheju, tsena waye ɗe aniv̄eleha.»

YUHANI 8:19

Sa ile wamudzisa: «A hav̄i Ɓaɓaho?» Insa adjiɓu: «Wanyu kamuniji wami, wala Ɓaɓangu. Na djeli mwakonijua, mwatsomujua Ɓaɓangu wajau.»

1 MAKORINTIYO 15:34

Ãkili zanyu nazimuregeyeni, musuãswi tsena. Kweli amba v̄wa wasalia kawamuji Mungu. Nisuirongoa ha aĩɓu yanyu.

1 MAKORINTIYO 8:4

Ɓasi yahusu muɗyio wa nyama zatolewa masadaka masanamwe, risujua amba sanamwe, lilo mufano wa shitru kaisi ha kweli ulemenguni, tsena risujua amba kav̄u Mungu neka tsi moja ɓas.

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

MAFILIPI 3:10

iNia yangu ɗe wami umujua waye, na ushindzi wa umuregezeo hayi wahe, amma na urenga ushirika na waye hari mwa maondo yahe, na ulingana na waye hari mwa ufa wahe,

MAFILIPI 3:8

Wala tsi tu, ɓadi nisuona raha piya amba hasara namoangalia ifaida yazidi ya umujua Kristi-Insa Raɓi wangu, alio amba ha siɓaɓu ya waye, tsilishi piya, tsena nisuziona piya mauri tsama, ne nimupare Kristi,

1 MATESALONIKA 1:9

Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli,

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

2 MONYE 1:2

Urehema na amani nazimuendreleyeni ha uwengi ha indzia ya umujua Mungu na Insa, Raɓi watru.

2 MONYE 1:3

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe.

2 MONYE 1:8

Mana neka trongo zizo za moni hanyu, tsena zisuengedzeha, kazitsomulishani amba muke ɓila zitrendro wala mavuna hari mwa umujua Raɓi watru Insa-Kristi.

1 YUHANI 1:2

Mana uhayati uwo uv̄enuha; wasi riuono, risuulawia ushahidi, tsena risumujudzani uhayati mukamilifu wa daima waka ha waye Ɓaɓa, amwesa wariv̄enushia.

1 YUHANI 1:3

Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi.

1 YUHANI 2:23

Yotsi aharao uMwana, kasina wajau Ɓaɓa; uwo akuɓalio uMwana, ana wajau Ɓaɓa.

1 YUHANI 4:6

Wasi wa shi Mungu, na uwo amujuao Mungu, urivulishia; uwo tsi wa shi Mungu karivulishia. Ɗe ha izo ɗe rijuao iRoho ya ikweli, na iroho ya itrambo.

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.