YUHANI 1:4 - Ha`bari Ndjema ya I Maore

⁴ Moni nawo v̄uka uhayati, na uhayati uwo uka ɗe inuru ya wanadamu.

YUHANI 1:4 ပူးပေါင်းရင်းမြစ်များ

MATIYO 4:16

Umati ulio shidzani uono nuru ɓole, na wao waka hari mwa umukaɓala wa ishivuli ya ufa, nuru iwawalia.»

LUKASI 2:32

mwenge uonesheye zinishani, tsena utukufu wa Israila, umati waho.»

YUHANI 11:25

V̄ale Insa amuambia: «Wami ɗe umuregezeo hayi na uhayati. Monyewe uniamini, atsoẽshi, wala ukana asuja afariki.

YUHANI 12:35

Sa ile Insa awadjiɓu: «iNuru ya na wanyu raha hari mwa mwana muda. Namwendre wakati muliona inuru, pare ishidza isumujiliyeni ɓila ya wanyu udzilindrilia. Mutru andrao shidzani kaji v̄ahanu akaɓilio.

YUHANI 12:46

Tsija mauri nuru ulemenguni v̄anu, pare mutru yotsi aniaminio, asuɓaki shidzani.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 3:19

Na hukuma iyo ɗe amba: iNuru ija ulemenguni, ɓadi wanadamu wav̄endze ishidza rahana inuru, mana zitrendro zawo zika mbovu.

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

YUHANI 5:26

Mana mauri ɗe inamuna Ɓaɓa aliona uhayati hahe monyewe, ɗe inamuna adjaãlia uMwana akane uhayati hahe monyewe,

YUHANI 8:12

Ɓas, Insa alagua na idunia ile raha, awaambia: «Wami ɗe inuru ya ulemengu. Monyewe uniɗunga, ata suku ne katsendra shidzani, ɓadi atsokana inuru iv̄ao uhayati.»

YUHANI 9:5

Wakati ulio amba tsa ulemenguni, wami ɗe inuru ya ulemengu.»

MAV̄INGIZI-RISALA 26:23

ne ɗe amba uMutsahuliwa atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

MAEFESO 5:14

mana kula yav̄enulwa ufanyiha heu. Iyo ɗe imana ata v̄urongolwao: «Hima, wawe wasindzia, dzimidze hari mwa uwafu, na Kristi atsohuwalia.»

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

1 YUHANI 1:1

Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo.

1 YUHANI 1:2

Mana uhayati uwo uv̄enuha; wasi riuono, risuulawia ushahidi, tsena risumujudzani uhayati mukamilifu wa daima waka ha waye Ɓaɓa, amwesa wariv̄enushia.

1 YUHANI 5:11

Na ushahidi uwo ɗe amba Mungu ariv̄a uhayati wa daima, na uhayati uwo uka hari mwa uMwana wahe.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.

MUV̄ENULIO 22:16

Wami Insa tsimuv̄elesheani malayika yangu imutoleyeni ushahidi trongo zini zahusu ziDjama Ndziwaminifu. Wami ɗe umutse amma ishilembwe ya Daudu, inyora ya alifadjiri iwalao.»