YUHANI 1:16 - Ha`bari Ndjema ya I Maore

¹⁶ Ha ukamilifu wahe, ridjaãliwa piyasi, neema hari mwa neema.

YUHANI 1:16 ပူးပေါင်းရင်းမြစ်များ

MATIYO 13:12

Mana mutru aliona, atsov̄olwa, ata atsokana ha uwengi; ɓadi uwo kasina, ata ipav̄i alionayo, ne atsotolewayo.

MATIYO 3:11

Wami nisumuɓaĩshani ha maji, ike udhiɓitifu amba mwendre toɓa. Ɓadi uwo ajao unyuma hangu, ana ushindzi rahana wami: tsastahiki ata uv̄inga kaɓwa zahe. Waye atsomuɓaĩshani ha iRoho Ndzitwaharifu, na ha moro.

MATIYO 3:14

Ɓadi Yahaya akohara ha urongoa: «Wami ɗe nalazimu niɓaĩshiwe na wawe, na v̄anu usuja unipare ɗe wami!»

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

MAROMU 5:17

Mana neka ha likosa la mutru moja ufa utawala ha siɓaɓu ya uwo waye weke, ha mana nyengi zaidi wao wapara uwengi wa ineema na izawadi ya umuhakisho ha Mungu, watsotawalao hari mwa uhayati ha ndzia ya mutru moja, Insa-Kristi.

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

MAROMU 5:20

Na iSharia ingia, pare madhambi yazidi. Ɓadi v̄ahali ilio amba dhambi lizidishiha, ineema ya Mungu izidi uzidishiha,

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

MAEFESO 1:23

ilio mwili wahe, ukamilifu wa Uwo akamilishao piya ha kula namuna.

MAEFESO 3:19

tsena muijuwe uv̄endza ya Kristi iyo ilio amba isuv̄iria ujuzi, ha namuna amba mukamilishihe ujadziwa piya ukamilifu wa Mungu.

MAKOLOSIYA 1:19

Mana Mungu av̄endze amba piya ukamilifu wahe uke moni na uMwana,

MAKOLOSIYA 2:3

alio amba haheju ɗe v̄wadzama piya zidafine za ihikima na za ujuzi.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.