YAKOƁU 5:9 - Ha`bari Ndjema ya I Maore

⁹ Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.

YAKOƁU 5:9 ပူးပေါင်းရင်းမြစ်များ

MATIYO 24:33

Ɗe ha inamuna iyo wanyu wajau, mwamoona piya trongo izo, v̄av̄o mutsojua amba uMwana wa Mwanadamu a kariɓu, a mulongoju.

MARKUSI 13:29

Ɗe ha inamuna iyo wajau, mwamoona amba trongo izo zisuhidjiri, namujuwe amba uMwana wa Mwanadamu a kariɓu, mulongoju kamwe.

MARKUSI 6:19

Ɓas, Hirudiyati aka atukiwa na Yahaya ata akotsaha amuule, ɓadi kakoshindra ha siɓaɓu ya Hirudu.

1 MAKORINTIYO 10:11

Na trongo zizo ziwav̄iria ile zike mufano, tsena ziangihwa pare zirifahamishe, wasi rawaswiliwa na uwakati wa mwiso.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 MAKORINTIYO 9:7

V̄av̄o ɓasi kula mutru nav̄e ha ikiasi ahetsi rohoni hahe, ɓila usikitifu, wala uremwa nguvu, mana Mungu uv̄endza ule av̄ao ha furaha.

MAGALATWIYA 5:14

Mana piya iSharia itsimidziha hari mwa urongozi moja, ne ɗe unu: «Utsomuv̄endza munyaho mauri ɗe inamuna udziv̄endzao wawe monyewe.»

MAGALATWIYA 5:26

Rasudzione, nariziye utukizana na uoneana uwivu.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 4:12

V̄wa moja tu ɗe alio Mutolezi-Sharia tsena Munamuzi, ne ɗe Uwo ashindrao ahuyi na uangamidza. Ɓadi wawe, wawe mbani ata unamuao munyaho?

YAKOƁU 5:10

Hari mwa trongo ya djondo na suɓira wananyangu, namurenge mufano yimitrume yalagua ha lidzina la Mola.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

1 MONYE 4:5

Watsodzieledza mbeli za Uwo alio tayari ya uhukumu walio hayi na uwafu.

1 MONYE 4:9

Namukariɓisane ɓila unguruma.

MUV̄ENULIO 3:20

Tsami, nisuhima mulongoju, nisurema hodi. Neka mutru asukia ji langu aɓua umulongo, nitsongia hahe, nitsoɗya v̄umoja na waye, tsena waye na wami.