YAKOƁU 5:5 - Ha`bari Ndjema ya I Maore

⁵ Muẽshi shiv̄andreju mwa tsi ha masterehi na mujiv̄idzio. Mudzinyeresa nafusi ha isuku ya utsindzwa.

YAKOƁU 5:5 ပူးပေါင်းရင်းမြစ်များ

LUKASI 16:19

«V̄uka mutru tadjiri akopindra vao dzuzuri lakana range ya muzambarau, tsena lafanyiwa ha mauzi mambamba ya kitani; kula suku akoẽshi ha uzuri, tsena hari mwa masterehi.

LUKASI 16:25

Iɓrahima amudjiɓu: ‹Mwana wangu, nahana amba upara ndjema zaho wakati waka hayi, na Lazaro aka apara ɗe yamaondo. Ɓas av̄asa waye a v̄anu hari mwa utrulivu, na wawe usuondesheha.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

1 TIMUTAUSU 5:6

Ɓadi ule aẽshio hari mwa masterehi, afu wala ukana a hayi.

2 TIMUTAUSU 3:4

wahaini, wakaidi, watsodziona, watsov̄endza masterehi rahana Mungu.

2 MONYE 2:13

V̄av̄o watsovuna mbovu amba shiliv̄o ya zimbovu wazirendra. Wao upara ladha yawo wamodzieleha hari mwa ngulevi zawo, mutsana wa nyombe na mbuzi. Wamoka v̄umoja na wanyu hari mwa zikaramu, wao uka mauri mav̄andra na tsama, tsena ujiv̄iwa na unafiki wawo.

YUDA 1:12

Watru wao uka hari mwa miɗyio ya shiunanya yanyu mauri magambe yakwalisao. Wasusterehi v̄umoja na wanyu na udzilisa ɓila trisidzo; wao mauri mavingu kayana vua yav̄ingwao na pev̄o, mauri miri ya mwiso wa kashikazi kayadza mavuna, yafa mara mbili, tsena yarurumulwa.

MUV̄ENULIO 18:7

Ha ikiasi adziv̄a utukufu na masterehi, ɗe ikiasi mutsomuv̄ao matreso na musiɓa. Mana rohoni hahe asurongoa amba: ‹Tsiketsi shi mufalume-mutrumushe, tsisi mutrumushe afiliwa, ata idahari tsitsokana musiɓa.›