YAKOƁU 5:15 - Ha`bari Ndjema ya I Maore

¹⁵ Mamilio yendza uaminifu yatsohuyi umuwaɗe, na Mola atsomumidza. Neka afanya madhambi, atsoswamihiwayo.

YAKOƁU 5:15 ပူးပေါင်းရင်းမြစ်များ

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

YUHANI 5:14

Ɓaanda ya v̄ale Insa amupara mutru ule moni na iNyumba Ndzitwaharifu, amuambia: «Tsini uv̄ono. Usuãswi tsena, ile v̄usuhuhidjiriye trongo mbovu zaidi.»

YUHANI 6:39

Na mav̄endzeleo ya Uwo aniv̄eleha, ɗe uka amba wami nisulatsishiwe na ata moja hari mwa piya wao aniv̄awo, ɓadi niwaregeze hayi isuku ya mwiso.

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

2 MAKORINTIYO 4:14

Mana risujua amba Uwo amuregeza hayi Raɓi Insa, atsoriregeza hayi wajau hari mwa uv̄umoja na Insa, tsena atsoritekeleza v̄umoja na wanyu mbeli zahe.

YAKOƁU 1:6

Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o.

YAKOƁU 5:13

Hali v̄wa mutru mengoni mwanyu alio hari mwa djondo? Nafanye mamilio. Hali v̄wa alio hari mwa furaha? Nahedze utende.

YAKOƁU 5:16

Ɓasi namukuɓaliane madhambi yanyu wanyu na wanyu, tsena mumiliane Mungu wanyu na wanyu, ile pare muangale. Mumilio-Mungu wa mutuĩvu, uwo na ushindzi muhodari wa urendra.

YAKOƁU 5:20

namujuwe amba monyewe uregeza muãswifu v̄ahanu alatsiha, atsomuhuyi iroho na ufa, amwesa atsotsonga muzimio wa wengi wa madhambi.