YAKOƁU 5:10 - Ha`bari Ndjema ya I Maore

¹⁰ Hari mwa trongo ya djondo na suɓira wananyangu, namurenge mufano yimitrume yalagua ha lidzina la Mola.

YAKOƁU 5:10 ပူးပေါင်းရင်းမြစ်များ

LUKASI 13:34

Yerusalemu, wawe Yerusalemu uulao yimitrume na uangamidza ha mawe wao wav̄eleshewawo! Ha mara ngav̄i natsaha ningulidze watru waho mauri kuhu ingulidzao wana wahe moni na maɓawa yahe, wala kamwakuɓali!

LUKASI 6:23

Namufurahi isuku iyo, tsena muwaruke ha furaha, mana kweli amba thawaɓu yanyu itsoka ɓole pev̄oni. Mana ɗe ha inamuna iyo ɗe wadzaɗe wawo wakorendrea yimitrume.

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAV̄INGIZI-RISALA 7:52

uMutrume uv̄i ɗe wadzaɗe wanyu kawamutresa? Waulu wao wakojudza rangu kaɓula umujilio wa uMwendza Haki, ule leo mwamufitini, mwamuula.

MAHEƁRANIYA 13:7

Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 5:13

Hali v̄wa mutru mengoni mwanyu alio hari mwa djondo? Nafanye mamilio. Hali v̄wa alio hari mwa furaha? Nahedze utende.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

YAKOƁU 5:9

Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.