YAKOƁU 3:6 - Ha`bari Ndjema ya I Maore

⁶ Na ulimi wajau, uwo moro. Uwo dunia la upeu liliona ɓandza hari mwa ziga za umwili watru. Uwo utria pandra piya umwili, na uvudza piya maendreleo ya maẽsha ya mutru, wakati ulio amba uwo-uwo uvudzwa na umoro wa Djahanama.

YAKOƁU 3:6 ပူးပေါင်းရင်းမြစ်များ

MATIYO 12:24

Wakati watru wa ishama ya Mafarisayo wakia trongo ile, warongoa: «Mutru unu asuĩdzia mazetwani ha ushindzi wa Ɓelzeɓuli, umuɓole wa yamazetwani.»

MATIYO 5:22

Ɓadi wami nisumujudzani amba mutru yotsi atsojaliao hasera munyahe, alazimu ahukumulwe; na mutru yotsi atsomuambiao munyahe amba waye mupuzi, atsov̄itswa mahakama mbeli za uMungulidzano wa Waɓole|Mungulidzano wa Waɓole; na uwo atsomuambiao munyahe amba waye gedze, atsostahiki mahakama ya umoro wa Djahanama.

MARKUSI 7:15

Kav̄usi yotsi ilio v̄ondze ha mutru ishindrao imunagisi yamongia moni hahe. Ɓadi izo zilawao moni ha mutru, ɗe zimunagisio.

LUKASI 16:24

Ashelemedza: ‹Iɓrahima, Ɓaɓa, niv̄orehe, umuv̄elehe Lazaro apahise itsa ya isha yahe majini, aje anihombese ulimi, mana nisuondesheha jengeni v̄anu.›

MAV̄INGIZI-RISALA 20:30

Na ata hari mwanyu v̄anu, ne v̄utsohima watru watsov̄ao misomo kayaɗunga ndzia, ile wagogore yamaswihaɓa wawaɗunge.

MAV̄INGIZI-RISALA 5:3

Sa ile Monye amuambia: «Hananiya, manatrini Shetwani ahungia rohoni haho, ata walaɓa iRoho Ndzitwaharifu ha usika fungu la ikima ya lishamba?

MAV̄INGIZI-RISALA 6:13

Wav̄ingi mazahidi ya trambo, waja warongoa: «Mutru unu kazia urongoa ha unayi v̄uv̄ahanu v̄utwaharifu na iSharia.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.

YAKOƁU 2:7

Hali wao tsi ɗe wadhilio liDzina dzuzuri livumbulwao hanyuju?

YAKOƁU 3:7

Piya aina za zinyama, rangu nyunyi, zirambao, na zinyama za ɓaharini, ushindra zitsungwe, tsena zitsungwa na umwanadamu,

2 MONYE 3:3

Tu raɓuzi, namujuwe amba hari mwa zisuku za mwiso, v̄utsoja wafudhuli wendza madharau watsendrao ha zingushauku zawo wenyewe.

3 YUHANI 1:10

Iyo ɗe imana ata amba neka nisuja, nitsoeledza zitrendrwa zahe azifanyao ha utsambadza marongozi maovu kinyume na wasi. Wala tsi ɓasi tu, ɓadi waye-waye kasurenga wananya wa uaminifu, na wao watsahao wawarenge, ne asuwaɓalidza, tsena asuwaĩdzia hari mwa iDjama Ndziwaminifu.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:14

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi.

MUV̄ENULIO 18:23

iHeu ya likombe kaitsowala tsena haho, amwesa kav̄utsokilihana tsena haho ji la ɓwana-harusi, wala la mushe-harusi. Mana maɓahazazi yaho yaka ɗe uwaɓole wa ishiv̄andre ya tsi, na zinishani piya zidangamanyiha ha ugangi waho.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.