YAKOƁU 3:2 - Ha`bari Ndjema ya I Maore

² Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

YAKOƁU 3:2 ပူးပေါင်းရင်းမြစ်များ

MATIYO 12:34

Wanyu kaɓila za nyoha za peu! Ha namuna jeje mutsoshindrao murongowe trongo ndjema, waovu namuna mulio? Mana ɗe ha uwengi ulio rohoni, ɗe hanyo ilaguao.

MATIYO 12:37

Mana ha marongozi yaho ɗe utsonamulwao na haki, tsena ha marongozi yaho ɗe utsonamulwao na kosa.»

MAROMU 3:10

Mauri ɗe iheli v̄waangihwa moni mwa uMuangishio: «Kav̄usi arahara mbeli za Mungu, ata moja ne kav̄u;

MAROMU 7:21

Ha izo, tsimaizi isharia ini hanguju: namotsaha nifanye ndjema, mbovu ɗe inijiliao.

1 MAKORINTIYO 9:27

Ha kinyume nisuruma mangavu umwili wangu, nisuufanya amba murumwa, ile ɓaanda naĩdhia wasalia, isuke amba tsiharaliwa.

MAGALATWIYA 3:22

Ɓadi uMuangishio urongoa amba ulemengu piya uɓaliwa hari mwa madhambi, ile uwahadi udjaãliwe, ha uaminifu na Insa-Kristi, ha wao waaminio.

MAGALATWIYA 5:17

Mana shiuɓinadamu una ngushauku kinyume na iRoho, na iRoho ina zilio kinyume na ushiuɓinadamu; zisendra kinyume wizo na wizo, ha namuna amba kamusufanya izo mutsahao.

MAKOLOSIYA 1:28

Waye uwo ɗe rijudzao, ha ufahamisha kula shiumbe mwanadamu na usomedza kula shiumbe mwanadamu ha piya zihikima, ile riv̄inge kula mutru akamilishihe hari mwa uv̄umoja na Kristi.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

YAKOƁU 1:26

Neka mutru asudziona amba mutru wa dini, wala kasuzia ulimi wahe, ɓadi asudzilaɓa monyewe, v̄av̄o dini yahe ya truv̄u.

YAKOƁU 1:4

Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi.

YAKOƁU 2:10

Na yotsi aɗungao piya iSharia, ne aja akwala hari mwa trundra moja tu, v̄av̄o afanyiha muãswifu hari mwa ukamilifu wayo.

1 MONYE 3:10

Kweli amba uMuangishio usurongoa: «Neka mutru asutsaha afurahi maẽshani hahe, tsena aone suku zendza raha, naɓalidze ulimi wahe na mbovu, na uzia hanyo yahe na marongozi yendza unafiki.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.