YAKOƁU 3:17 - Ha`bari Ndjema ya I Maore

¹⁷ Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

YAKOƁU 3:17 ပူးပေါင်းရင်းမြစ်များ

MATIYO 23:28

Wanyu wajau v̄ondze uonehana amba murahara, na moni mujaya unafiki na upeu.

MATIYO 5:8

Furaha ha wao waliona roho zarahara, mana watsomuona Mungu.

MATIYO 5:9

Furaha ha wao watriao amani, mana watsohiriwa wana wa Mungu.

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

LUKASI 6:36

Namuke wendza poreho, mauri Ɓaɓanyu heli alio mwendza poreho.»

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 1:47

Wakati Insa amuona Natanaeli iv̄o akomujilia, arongoa ju lahe: «Tsunu Muisraila wa kweli, alio amba haheju kav̄u udjandja.»

MAV̄INGIZI-RISALA 11:24

Ha yakini waye aka mutru mwema, aka ajaya iRoho Ndzitwaharifu na uaminifu. Dunia ha uwengi imuamini Raɓi.

MAV̄INGIZI-RISALA 9:36

Mengoni mwa yamaswihaɓa ɗagoni Yopa, v̄uka mutrumama akohiriwa Taɓita (faswiri yalo, Dorkasi), akorendra zema ha uwengi na utoa zaka.

MAROMU 12:18

Neka trongo mukinishiha, ha ikadiri itrongo itsokao djukumani hanyu, namuẽshi hari mwa amani v̄umoja na watru piya.

MAROMU 12:9

Uv̄endza yanyu naike ya kweli, ɓadi tsi ya unafiki. Namuenge uovu, musike hodari uwema.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

2 MAKORINTIYO 7:11

Namuangaliye ɓasi itrongo huzuni iyo ijao ha uv̄endza ya Mungu yamuv̄ingiani: djitihadi trini, ɓari trini ya udzieledza, kiasi trini ya utukivu, trisidzo trini, ushauku mungav̄i, huɓa trini mulionayo hari mwa iĩɓada, zifungo jeje ɗe mwav̄a! Hari mwa kula v̄ahanu, muonesa uraharifu wanyu hari mwa trongo ile.

2 MAKORINTIYO 9:10

Na Monyewe uv̄a mbeu umutaɓizi na dipe amba shahula atsomuv̄ani ha uwengi mbeu, tsena atsoengedza yamavuna ya uhaki wanyu.

MAEFESO 5:9

mana mavuna ya heu ɗe kula uwema, uhaki na ukweli.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

1 MATESALONIKA 2:7

Na v̄av̄o, ɓaanda rilio Mav̄ingizi-Risala ya Kristi, ratsoshindra rike mudzo hanyu, ɓadi rika rijaya uwema mbeli zanyu, mauri mulezi alelao wana wahe.

1 TIMUTAUSU 5:21

Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.

2 TIMUTAUSU 2:24

Ne ɗe kayalazimu amba murumishi wa Raɓi akana umani, ɓadi alazimu ake mwema mbeli za piya, ashindre asomedze, amwesa ake mustahamilifu.

TITUSA 1:15

Kula shitru ndziraharifu ha wao walio waraharifu, ɓadi kav̄usi yarahara ha wao waliona utshafi, amwesa kawana uaminifu; ãkili yawo na likoho la unamuzi lawo zingia utshafi.

TITUSA 3:2

wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

MAHEƁRANIYA 12:11

Kweli amba murudio yotsi kauonehana mwandroni amba trongo ya furaha, ɓadi ya huzuni. Ɓadi mbeli-mbeli oho ɗe uv̄ao wao wakoupara mavuna ya amani, ne ɗe uhaki.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

YAKOƁU 1:17

Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza.

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

YAKOƁU 2:13

Mana hukuma kaikana poreho ha mutru kasuonesa poreho. Poreho, lilo ushindra hukuma.

YAKOƁU 2:4

hali v̄av̄o kamusufanya uɓanguzi wa sura hari mwanyu, kamwafanyiha wanamuzi wendza fikira mbovu?

YAKOƁU 3:15

Hikima iyo tsi ɗe ilawao uju, ɓadi ya shiduniani, ya shiuɓinadamu, ya shiushetwani.

YAKOƁU 4:8

Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

1 MONYE 2:18

Wanyu warumwa, namudzituĩse ha warumisa wanyu v̄umoja na hishima ɓole, wala tsi amba ha wao walio wema tsena waeledzeshehao tu ɓasi, ɓadi wajau ha wao walio wahali.

1 YUHANI 3:18

Wana wangu, rasuv̄endze ha urongozi na hanyo tu, ɓadi ha zitrendro na zikweli.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.