YAKOƁU 3:13 - Ha`bari Ndjema ya I Maore

¹³ Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

YAKOƁU 3:13 ပူးပေါင်းရင်းမြစ်များ

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MATIYO 21:5

«Namuambiye mwana mutrumushe wa Siyuna: ‹Tsuwo umufalume waho asuhujilia na utrulivu, apandra pundra, mwana-pundra, mwana wa shinyama itrikao.› »

MATIYO 5:5

Furaha ha wao walio watrulivu, mana watsowarithi ishiv̄andre ya tsi.

MATIYO 7:24

«Ɓasi kula akiao marongozi yangu yanu, ayatriao ndziani, ufana na mwendza ãkili aundra nyumba yahe hari mwa mudjasasa wa ɓwe.

1 MAKORINTIYO 6:5

Nisuirongoa ha aĩɓu yanyu. Amba kav̄u hari mwanyu mwendza hikima atsoshindrao anamuwe ɓaina ya wananyahe waaminifu!

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 8:24

Ha izo, mbeli za ziDjama Ndziwaminifu, namuv̄e udhiɓitifu wa uv̄endza yanyu, tsena amba rikana haki ya udziɓua mbeli zawo ha siɓaɓu ya wanyu.

MAGALATWIYA 5:23

utrulivu, na udzizia. Kav̄u Sharia ilio kinyume na trongo mauri ɗe zizo.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAGALATWIYA 6:4

Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina.

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

1 TIMUTAUSU 6:11

Ɓadi wawe, mutru wa Mungu, trala trongo zizo, ne uɗunge uhaki, iĩɓada, uaminifu, uv̄endza, ustahamilifu, na uwekevu.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

TITUSA 3:2

wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

YAKOƁU 1:21

Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.

YAKOƁU 2:18

Mukinishiha amba v̄wa atsorongoao: «Wawe una uaminifu, wami tsina zitrendro». Ɓasi nionese uaminifu waho kawaɗungana na zitrendro, na wami ha zitrendro zangu nitsohuonesa uaminifu wangu.

YAKOƁU 3:1

Mwasuke wengi wa utsaha amba musomedze, wananyangu, mana musujua amba wasi risomedzao, ritsopara hukuma ndziro zaidi.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

1 MONYE 1:15

Ɓadi mauri ɗe inamuna Uwo amuhirani alio mutwaharifu, wanyu wajau namufanyihe watwaharifu hari mwa piya muendreleo wanyu,

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

1 MONYE 3:4

ɓadi nauke wa moni wa utru wanyu, ustawivu kaukomo wa roho makini yendza utrulivu. Iyo ɗe itrongo ikao na faida ɓole mbeli za Mungu.