YAKOƁU 2:8 - Ha`bari Ndjema ya I Maore

⁸ Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

YAKOƁU 2:8 ပူးပေါင်းရင်းမြစ်များ

MATIYO 22:39

Na ya v̄ili tsini ilio sawa na ya handra ile: ‹Utsomuv̄endza munyaho mauri ɗe iwawe yaho.›

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 7:12

Ɓasi piya izo mutsahao watru wamufanyiyeni, wanyu wajau namuwafanyiyezo. Iyo ɗe imana ya iSharia na marongozi ya yimitrume.»

MAROMU 13:10

Mutru av̄endzao munyahe, waye kamurendre mbovu. Ha izo uv̄endza, iyo utsimidza iSharia.

MAGALATWIYA 5:14

Mana piya iSharia itsimidziha hari mwa urongozi moja, ne ɗe unu: «Utsomuv̄endza munyaho mauri ɗe inamuna udziv̄endzao wawe monyewe.»

MAGALATWIYA 6:2

Namutrihane udziro wanyu na wanyu, na v̄av̄o mutsotsimidza iSharia ya Kristi.

MAFILIPI 4:14

Ɓadi mufanya ndjema iv̄o mwarenga fuvu hari mwa usongefu wangu.

1 MATESALONIKA 4:9

Hari mwa yahusu uv̄endzana wa shi unanya, tsi paka muangishiwe, mana wanyu-wanyu musomo ha Mungu amba muv̄endzane wanyu na wanyu.

YAKOƁU 1:25

Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

YAKOƁU 2:12

Namulaguwe na urendra shi watru watsohukumulwao ulawana na sharia ya shi unafasi.

YAKOƁU 2:19

Usuamini amba Mungu moja? Usufanya fetre. Mazetwani uiamini wajau, tsena yasudridrima.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.