YAKOƁU 2:22 - Ha`bari Ndjema ya I Maore

²² Usuona v̄anu amba uaminifu uka uɗungwa na zitrendro zahe, na ha ulawana na zitrendro zizo, ɗe uaminifu wakamilishiha.

YAKOƁU 2:22 ပူးပေါင်းရင်းမြစ်များ

YUHANI 6:29

Insa awadjiɓu: «Urumishi wa Mungu, ɗe wanyu uamini uwo amuv̄eleha.»

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

YAKOƁU 2:18

Mukinishiha amba v̄wa atsorongoao: «Wawe una uaminifu, wami tsina zitrendro». Ɓasi nionese uaminifu waho kawaɗungana na zitrendro, na wami ha zitrendro zangu nitsohuonesa uaminifu wangu.

1 YUHANI 2:5

Ɓadi mutru asikao urongozi wahe, uv̄endza wa Mungu ha kweli uswafishiha haheju. Ha ini ɗe rijuao amba ra hari mwa uv̄umoja na waye: