YAKOƁU 2:18 - Ha`bari Ndjema ya I Maore

¹⁸ Mukinishiha amba v̄wa atsorongoao: «Wawe una uaminifu, wami tsina zitrendro». Ɓasi nionese uaminifu waho kawaɗungana na zitrendro, na wami ha zitrendro zangu nitsohuonesa uaminifu wangu.

YAKOƁU 2:18 ပူးပေါင်းရင်းမြစ်များ

MAROMU 14:23

Ɓadi uwo adzituhumiao na ishitru aiɗyao, v̄av̄o ahukumulwa na kosa amoiɗya, mana kasina uaminifu na trongo aifanyao. Na kula trongo kayaketsi hari mwa uaminifu, lilo dhambi.

MAROMU 3:28

Mana riono amba mwanadamu uhakishiwa mbeli za Mungu ha uaminifu, ɓadi tsi ha zitrendro zatsahwa na iSharia.

MAROMU 4:6

iHeli Daudu ajudzao ifuraha ya mutru alio amba ahakishiha mbeli za Mungu, wala tsi ha zitrendro, tsini:

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

MAROMU 9:19

Mukinishiha amba v̄wa mutru atsonidzisao: «Ɓasi manatrini ata alaumuo tsena? Mbani ɗe atsoshindrao andre kinyume na mav̄endzeleo yahe?»

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

TITUSA 2:7

Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi,

MAHEƁRANIYA 11:31

Ɗe ha uaminifu ɗe lisusu Rahaɓati kaangamia v̄umoja na wao kawakotuĩ, mana aka akariɓisa ha uzuri uwatunduzi wa Israila.

MAHEƁRANIYA 11:33

wao walio amba ha uaminifu, washindri ngufalume, wakorumishia uhaki, wapara yamavuna ya zinguwahadi, na uɓala hanyo zisimba;

MAHEƁRANIYA 11:6

Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

YAKOƁU 2:14

Wananyangu, faida trini ha mutru arongoao amba ana uaminifu, ne kasina zitrendro? Hali uaminifu ushindra umuhuyi?

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.