YAKOƁU 1:25 - Ha`bari Ndjema ya I Maore

²⁵ Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

YAKOƁU 1:25 ပူးပေါင်းရင်းမြစ်များ

LUKASI 11:28

Ɓadi adjiɓu: «Waɓarikishiha zaidi ɗe wao wavulikiao urongozi wa Mungu, tsena wausikao.»

YUHANI 13:17

Mwamojua trongo zizo, v̄av̄o mwa rahani neka musuzitria ndziani.

YUHANI 8:36

Ha izo, neka uMwana amuv̄ani unafasi, v̄av̄o unafasi wanyu utsokamiliha.

MAV̄INGIZI-RISALA 13:43

iDjama ile wakati yatsapuha v̄ale, wengi wa Mayahudi na watru wasalia watuĩvu wakuɓali idini ya Uyahudi, wamuɗungu Ɓaulusu na Ɓarnaɓasi walio amba wakohadisi na wao na uwatria ɓari waketsi na ineema ya Mungu.

MAV̄INGIZI-RISALA 2:42

Wakodzishahilisa ha djitihadi na umusomo wa yaMav̄ingizi-Risala|Mav̄ingizi-Risala, uv̄umoja wa shi unanya, umukutrulio wa madipe na mamilio.

MAV̄INGIZI-RISALA 26:22

Ɓadi ha umusada wa Mungu ata upara ileo ini, tsami, nisutoa ushahidi mbeli za uwatiti na uwaɓole, wala tsi ya wami urongoa trongo zangina neka tsi ɗe zizo zarongolwa na yimitrume na Musa amba zitsohidjiri,

MAROMU 11:22

Ɓasi angalia uwema na uhali wa Mungu: waye muhali uv̄andre wa wale wawa, na mwema uv̄andre waho, neka uɓaki hari mwa uwema uwo. Neka tsi ɗe namuna iyo, utsokatrwa wajau.

MAROMU 2:13

Kweli amba tsi ɗe wao wakiao iSharia ɗe watsokuɓalishiao mbeli za Mungu, ɓadi wao waiɗungao ɗe watsokuɓalishiao.

MAROMU 7:12

V̄av̄o kweli amba iSharia ya ndzitwaharifu, na iãmuri wajau ya ndzitwaharifu, ya haki, tsena ndzuzuri.

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MAKORINTIYO 13:5

Namudziv̄ime wanyu wenyewe, ile muone neka mwa hari mwa uaminifu, namudzitunde wanyu wenyewe. Hali kamusuona amba Insa-Kristi a moni hanyu? Ɓadi neka utunduzi usumusingidzani.

MAGALATWIYA 2:4

Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa.

MAGALATWIYA 5:1

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

MAGALATWIYA 6:2

Namutrihane udziro wanyu na wanyu, na v̄av̄o mutsotsimidza iSharia ya Kristi.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

1 TIMUTAUSU 2:15

Ɓadi atsohuyiwa ha yamadzazi, neka aɓaki hari mwa uaminifu, uv̄endza na utwaharifu, v̄umoja na uwekevu.

1 TIMUTAUSU 4:16

Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

YAKOƁU 2:12

Namulaguwe na urendra shi watru watsohukumulwao ulawana na sharia ya shi unafasi.

1 MONYE 2:16

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

1 YUHANI 2:24

Yahusu wanyu, ihaɓari mwaikia rangu mwandro, naiɓaki hanyuju. Neka trongo mwaikia rangu mwandro isuɓaki hanyuju, mutsoɓaki wajau hari mwa uv̄umoja na uMwana na Ɓaɓa.

MUV̄ENULIO 14:13

Amwesa tsikia ji lalawa pev̄oni lakorongoa: «Angiha: Waɓarikishiha uwafu, wao wafao rangu av̄asa hari mwa uv̄umoja wa Raɓi.» iRoho isurongoa: «Ewa, nawav̄umuwe na hazi zawo, mana zitrendro zawo zisuwaɗunga.»

MUV̄ENULIO 22:14

Waɓarikishiha wao wafuao nguo zawo, ile wakane haki hari mwa umuri wa uhayati, tsena wangiye ɗagoni ha uv̄ira milongoju.