YAKOƁU 1:1 - Ha`bari Ndjema ya I Maore

¹ Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

YAKOƁU 1:1 ပူးပေါင်းရင်းမြစ်များ

MATIYO 10:3

Filiɓusa na Ɓartolomayo; Tomasi na Matiyo, umuliv̄isa-latete|muliv̄isa-latete; Yakoɓu mwana wa Halifa, na Tadu;

MATIYO 13:55

Afa unu tsi ɗe umwana wa mufanyizi-hazi za miri ule? Na mayahe tsi ɗe Mariama? Wananyahe watruɓaɓa tsi ɗe Yakoɓu, Yusufu, Simoni na Yudasi?

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MARKUSI 3:18

Andreasa, Filiɓusa, Ɓartolomayo, Matiyo, Tomasi, Yakoɓu mwana wa Halifa, Tadu, Simoni Zeloti,

LUKASI 22:30

ile pare muɗye na unwa mezaju hangu hari mwa utawalizi wangu, tsena muketsi hari mwa ziri za ufalume, ile muhukumu zingudjama kumi na mbili za Israila.»

LUKASI 6:15

Matiyo, Tomasi, Yakoɓu mwana wa Halifa, Simoni akohiriwa Zeloti,

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

YUHANI 7:35

Mayahudi yaambiana: «Hav̄i ɗe atsendrao ata karitsomupara? Saɓu katsendra ha wale waẽshio hari mwa yaMagiriki, andra asomedza yaMagiriki?

MAV̄INGIZI-RISALA 1:13

Uwaswili yawo, wahea darini moni na lifuko wakoka na ungulidzana. Waka ɗe Monye, Yuhani, Yakoɓu, Andreasa, Filiɓusa, Tomasi, Ɓartolomayo, Matiyo, Yakoɓu mwana wa Halifa, Simoni akohiriwa Zeloti, na Yudasi mwana wa Yakoɓu.

MAV̄INGIZI-RISALA 12:17

Sa ile ha umuhono awaambia waɓurihe, amwesa awaeledza inamuna Mola amutoa shiv̄ani. Awaambia raha: «Namumujudzezo Yakoɓu na wananya waɓaki.» Amwesa alawa, andre mukaɓala wangina.

MAV̄INGIZI-RISALA 15:13

Wakati wahisa ulagua, Yakoɓu arenge umurongo, arongoa: «Wananyangu, namunivulishiye.

MAV̄INGIZI-RISALA 15:21

Mana rangu zizama za hale, hari mwa kula ɗago, wanadamu wasujudza iSharia ya Musa na uisoma moni na ziNyumba za Uswali kula Suku ya Uv̄umuzi.»

MAV̄INGIZI-RISALA 15:23

Wawadhwaminisha liɓarua lini: yaMav̄ingizi-Risala na yamadhwamana ya iDjama Ndziwaminifu wamusalimuni, wanyu wananyatru waaminifu wa zinishani zangina mulio ɗagoni Antiyokiya ya Siriya na itsi ya Silisiya.

MAV̄INGIZI-RISALA 2:5

Na v̄ale, ɗagoni Yerusalemu v̄wakoẽshi Mayahudi matuĩvu walawa hari mwa piya zinishani za ulemenguni.

MAV̄INGIZI-RISALA 21:18

iSuku yaɗunga v̄ale Ɓaulusu ariɗungu ha Yakoɓu, v̄ahanu piya madhwamana wa iDjama waka wangulidzana.

MAV̄INGIZI-RISALA 23:26

Wami Klaudiyusu Lisiyasu, ha wawe muɓole wa ɓavu mutukufu Feliksa, salamu ju laho.

MAV̄INGIZI-RISALA 26:7

wahadi ulio amba zingudjama kumi na mbili zatru zimurumishiao Mungu ha djitihadi uku na mutsana wana tama wauone utsimidzihe. Amwesa Mufalume, ɗe ha siɓaɓu ya itama iyo ɗe nashitakiwa na Mayahudi.

MAV̄INGIZI-RISALA 8:1

Na Saulusu akuɓali umuangamidzio wa Etiyeni. iSuku ile, treso ɓole lingilia iDjama Ndziwaminifu ya Yerusalemu na piyawo, ila ɗe yaMav̄ingizi-Risala, watsambadziha hari mwa maɓavu ya Yudeya na Samariya.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAGALATWIYA 1:19

Tsaona ata Muv̄ingizi-Risala wangina neka tsi ɗe Yakoɓu, mwananyahe wa Raɓi.

MAGALATWIYA 2:12

Mana kaɓula ya ɓaãdhwi ya watru waka walawa ha Yakoɓu uwaswili, Monye akoɗya na watru tsi Mayahudi. Ɓadi uwaswili yawo v̄ale, adzivuru, adzitenge, ha trisidzo la wale wakana zimila za shi Uyahudi.

MAGALATWIYA 2:9

Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

2 TIMUTAUSU 4:21

Fanya djitihadi uje kaɓula ya uwakati wa ɓaridi. Eɓulusu, Ɓudensu, Linusa, Klodiya, v̄umoja na piya wananya wa shi uaminifu wasuhusalimu.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

1 MONYE 1:1

Wami Monye, Muv̄ingizi-Risala wa Insa-Kristi, ha wao watsahulwa waẽshio shi wadjeni, tsena watsambadziwa hari mwa yimikaɓala ya Pontusu, Galatwiya, Kapadokiya, Aziya na Ɓitiniya.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi:

MUV̄ENULIO 7:4

Amwesa tsikia iindadi ya wale watrilwa umuhuri: watru alifu miya wa aruɓaini na nne (144 000) wa piya zingudjama za Israila: