TITUSA 3:7 - Ha`bari Ndjema ya I Maore

⁷ ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima.

TITUSA 3:7 ပူးပေါင်းရင်းမြစ်များ

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MARKUSI 10:17

Wakati Insa aka ndziani, v̄wa mutru arema mbio, aja avundzu malondro mbeli zahe, amudzisa: «Fundi mwema, trongo trini ɗe nalazimu niifanye ile nipare uhayati mukamilifu wa daima?»

MAROMU 11:6

Na neka ha neema, v̄av̄o tsi ulawana na zitrendro. Mana neka tsi ɗe iyo, v̄av̄o ineema kaisi neema tsena.

MAROMU 3:24

Ɓadi ha ineema yahe, Mungu awadjaãlia muhakisho mbeli zahe, ɓila muliv̄io, ha ndzia ya ukombofu ulio ha Insa-Kristi.

MAROMU 3:28

Mana riono amba mwanadamu uhakishiwa mbeli za Mungu ha uaminifu, ɓadi tsi ha zitrendro zatsahwa na iSharia.

MAROMU 4:16

Iyo ɗe imana amba wahadi uwo uja ha uaminifu, pare ike amba neema ya Mungu, tsena utsimidzihe ha piya zizilembwe za Iɓrahima, wala tsi tu amba ha wao walio hari mwa iSharia, ɓadi wajau ha wao waliona uaminifu mauri ɗe Iɓrahima, mudzaɗe watru piyasi.

MAROMU 4:4

Ne mutru afanyao hazi ata aliv̄wa, ziliv̄o zahe kazionehana amba zema, ɓadi zimulazimu.

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

MAGALATWIYA 4:7

Ɓasi ha izo, kusi tsena murumwa, ɓadi mwana. Na ha iv̄o ulio mwana, v̄av̄o wa muarithi, trongo yafanyiwa na Mungu.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

TITUSA 1:2

Ukweli uwo, ɗe itama ya uhayati mukamilifu wa daima, watolwa wahadi kaɓula ya umwandro wa yimida na Mungu tsi murongoa-trambo.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MAHEƁRANIYA 1:14

Hali piya izo tsi roho ndzirumishi zav̄elehwa zirumishiye wao watsowarithio uhuyifu?

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAHEƁRANIYA 11:9

Ha uaminifu ɗe aja aẽshi shi mudjeni hari mwa tsi aka atolewayo wahadi. Akoẽshi hari mwa maɓanga ya haima, amma na Isiaka na Yaãkuɓu, walio amba waka warithi v̄umoja na waye wahadi uwo-uwo.

MAHEƁRANIYA 6:17

Na Mungu iv̄o akotsaha aonese mawarithi wa uwahadi amba inia yahe kaigauha, aishadidisha ha mulav̄io.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 3:7

Ɗe namuna iyo wanyu watruwaume, namuẽshi na watruwashe wanyu ha ujua inamuna ndzambamba yawo. Namuwahishimu, iv̄o wao walazimu wawarithi v̄umoja na wanyu irehema ya uhayati, ile v̄wasuke trongo itsokao yotsi yaja yazia mamilio yanyu.