TITUSA 2:3 - Ha`bari Ndjema ya I Maore

³ Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema,

TITUSA 2:3 ပူးပေါင်းရင်းမြစ်များ

MAROMU 1:29

Wajaya na kula namuna ya uovu, ya upeu, ya ushifuɓa, na taɓia mbi; wajaya uwivu, fikira za uula, umani, udjandja, na roho mbovu mbeli za wanyawo. Wao ufitiniana,

MAROMU 16:2

ile mumurenge ha lidzina la Raɓi, namuna ilio amba istahiki watwaharifu. Namumusaidiye hari mwa kula trongo ilio amba atsotsaha musada wanyu. Mana waye asaidi wengi, ata wami ne anisaidi.

MAEFESO 5:3

Trongo ya zina, utshafi wa kula namuna, au uv̄endza-upara, zasurongoleshehe ata hata hari mwanyu, mauri ɗe inamuna yastahiki ha watwaharifu.

1 TIMUTAUSU 3:11

Na watruwashe wajau, walazimu wake watru wakasidi, ike amba wao kawatefwa, washindre wadziziye, wake waaminifu hari mwa kula trongo.

1 TIMUTAUSU 3:8

uWasaidizi wa Djama Ndziwaminifu wajau walazimu wake watru wakasidi, wendza kauli moja, tsi walevi, wala wadziparia ha namuna kayalazimu.

1 TIMUTAUSU 5:23

Lisha wawe unwa maji tu; nwa mwana maji ya zaɓiɓu ha siɓaɓu ya imimba yaho na maɓuhuo ya kula sa yaho.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

TITUSA 2:4

ile wasomedze watruwashe wanahirimu wav̄endze waume wawo na uwana,

MAHEƁRANIYA 5:12

Wala ukana ika ilazimu muke wasomedza iv̄o mida yiyo yav̄ira, ne musutsaha raha musomedzewe ziharufu za handra za marongozi ya Mungu. Mufanyiha amba musutsaha dzia raha, ɓadi tsi shahula mangavu.

MUV̄ENULIO 2:20

Ɓadi trongo nilionayo kinyume na wawe, ɗe amba usulisha mutrumushe Djezaɓeli ule adzifanyao amba asujudza marongozi ya shi mutrume ashukidziwao, asomedze na upoteza warumishi wangu wafanye taɓia mbi na uɗya nyama zatolewa sadaka masanamwe.