TITUSA 1:9 - Ha`bari Ndjema ya I Maore

⁹ afungamanihe na ĩlimu ya kweli ha inamuna yasomedzewa, pare ashindre atriye ɓari ha umusomo mwema na uharalia wao walio kinyume.

TITUSA 1:9 ပူးပေါင်းရင်းမြစ်များ

MAV̄INGIZI-RISALA 18:28

Mana hari mwa yamahadisi yahe na yaMayahudi, akowashindra ha hadhwira na udhiɓitisha ha yiMiangishio Mitwaharifu amba Insa ɗe uMutsahuliwa.

1 MAKORINTIYO 14:24

Ɓadi neka piya wasujudza marongozi ya shi mutrume yashukidziwa, ɓasi v̄uja mutru kasuamini au mutru avulishiao tu, v̄av̄o atsorudiwa na piya atsozikiao, atsonamulwa na piya;

1 MATESALONIKA 5:21

ɓadi namutwaliye piya zitrongo, musike zilio ndjema.

2 MATESALONIKA 2:15

Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.

1 TIMUTAUSU 1:10

ihetsiwa wajau ha wendza shahawa mbovu, watruɓaɓa waendreleanao, wao wafanyao ɓahazazi za wanadamu, wanafiki, walav̄izi wa trambo, wajau na kula yendrao kinyume na musomo mwema

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

1 TIMUTAUSU 1:19

ha usika uaminifu v̄umoja na roho ndziraharifu ɓila tuhuma. V̄wa ɓaãdhwi walio amba wahara uvulishia likoho la unamuzi lawo, na ha izo uaminifu wawo uroro.

1 TIMUTAUSU 4:9

Uwo urongozi wastahiki uaminifu walazimu mukuɓalisho mukamilifu.

1 TIMUTAUSU 6:3

Neka mutru asusomedza trongo zangina, tsena kasuɗunga ya marongozi ya kweli ya Raɓi watru Insa-Kristi na umusomo walingana na iĩɓada,

2 TIMUTAUSU 1:13

Ɗunga umufano wa marongozi mema wayakia na wami, ha uaminifu na uv̄endza, ulio hari mwa uv̄umoja na Kristi-Insa.

2 TIMUTAUSU 2:2

Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

2 TIMUTAUSU 3:14

Ɓadi wawe, ɓaki hari mwa izo wasoma, wazikuɓali v̄umoja na yakini; usujua ha mbani ɗe wazisoma,

2 TIMUTAUSU 4:3

Mana v̄utsoja wakati amba watru kawatsostahamili uvulishia musomo mwema. Ɓadi ha ushauku wa ukia izo ziwawao makio yawo, watsodziparia wengi wa mafundi.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.

TITUSA 2:1

Ɓadi wawe, somedza izo zalingana na umusomo wa kweli.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.

MUV̄ENULIO 2:25

Ɓadi iyo mulionayo, namuisike hodari ata mupaka nije.

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.