TITUSA 1:4 - Ha`bari Ndjema ya I Maore

⁴ Nisuhuangishia wawe Titusa, mwana wangu wa kweli hari mwa uaminifu watru shirika: Rehema na utrulivu zilawao ha Mungu amma Ɓaɓa v̄umoja na Kristi-Insa, Muhuyifu watru, nazihuendreleye.

TITUSA 1:4 ပူးပေါင်းရင်းမြစ်များ

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.

YUHANI 4:42

Amwesa wamuambia mutrumama ule: «Av̄asa tsi ɗe ha siɓaɓu ya marongozi yaho ɗe raamini, ɓadi rimukia wasi wenyewe, tsena risujua amba kweli waye ɗe uMuhuyifu wa ulemengu.»

MAROMU 1:12

V̄av̄o nisutsaha nirongowe amba ritriyane ɓari wasi na wasi, yaãni, kula mutru uaminifu wahe utriye ɓari munyahe.

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

2 MAKORINTIYO 12:18

Tsimutria Titusa ɓari aje hanyu, tsena v̄umoja na waye tsiv̄eleha umwananya wa shi uaminifu ule. Hali Titusa amudhulumuni? Hali karakoendra na roho ɗe wiyo-wiyo, hari mwa ndzia moja?

2 MAKORINTIYO 2:13

Ata ha izo, tsaka natrulia roho yangu, mana tsaka namupara mwananyangu wa shi uaminifu, Titusa. Ɓasi tsilaga watru v̄ale, tsilekedza Makadoniya.

2 MAKORINTIYO 4:13

Na ha iv̄o riliona roho wiyo-wiyo ya uaminifu na iyo yaangihwa amba: «Tsiamini, ɗe imana ata nalagua», ɓasi wasi wajau risuamini, ɗe imana ata rilaguao.

2 MAKORINTIYO 7:6

Ɓadi Mungu, Monyewe utrulidza wao wapuha ɓari, aritrulidza ziroho ha umujilio wa Titusa,

2 MAKORINTIYO 8:16

Mungu nahimidiwe, Monyewe utria rohoni ha Titusa djitihadi moja na iyo rilionayo na wanyu.

2 MAKORINTIYO 8:23

Hari mwa yamuhusu Titusa, waye munyangu tsena mushangirizi wangu hari mwanyu. Na ha wananya wa shi uaminifu wasalia, wao ɗe mawakala wa ziDjama Ndziwaminifu, ha utukufu wa Kristi.

2 MAKORINTIYO 8:6

Iyo ɗe imana ramutria ɓari Titusa amba rangu aandrisa, amalidze ineema iyo hanyuju.

MAGALATWIYA 2:3

Ɓasi ata Titusa aka na wami alio amba aka Mugiriki, ne kalazimishiwa utahiriwa|utahiri.

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAEFESO 1:2

Rehema na amani zalawa ha Mungu Ɓaɓatru na ha Raɓi Insa-Kristi nazimuendreleyeni.

MAKOLOSIYA 1:2

risuangishia uwatwaharifu amma wananya wa shi uaminifu wa Kolosiya walio hari mwa uv̄umoja na Kristi: Rehema na utrulivu walawa ha Ɓaɓatru Mungu nazimuendreleyeni.

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

2 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha yamav̄endzeleo ya Mungu ya ujudza wahadi wa uhayati ulio ha Kristi-Insa,

2 TIMUTAUSU 1:2

ha Timutausu mwana wa shi uaminifu muv̄endzewa wangu: Neema, urehema na amani zilawao ha Mungu amma Ɓaɓa na Kristi-Insa, Raɓi watru, nazihuendreleye.

2 TIMUTAUSU 4:10

Mana Demasu anipuka ha uv̄endza wa lidunia la leo, andre Tesalonika. Kresensi andre Galatwiya, na Titusa waye Dalmatiya.

TITUSA 1:3

Ɓasi hari mwa uwakati wahe, av̄enua Urongozi wahe ha ndzia ya haɓari ilio amba tsidhwaminishiwayo ulawana na iãmuri yahe waye Mungu, Muhuyifu watru.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

2 MONYE 1:11

V̄av̄o ɗe mutsodjaãliwao ha unafasi umungilio hari mwa utawalizi wa daima wa Raɓi amma Muhuyifu watru Insa-Kristi.

2 MONYE 2:20

Kweli amba neka ɓaanda walawa hari mwa zitsama za shiulemenguni ha umujua Insa-Kristi Raɓi amma Muhuyifu watru, wadzilishi washindrwa raha na wizo, ihali ya mwiso yawo uka mbovu rahana ya handra.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.

1 YUHANI 5:14

Na yakini rilionayo na waye, ɗe amba yotsi riimiao ha mav̄endzeleo yahe, waye urivulishia.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.