TITUSA 1:1 - Ha`bari Ndjema ya I Maore

¹ Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

TITUSA 1:1 ပူးပေါင်းရင်းမြစ်များ

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

MAV̄INGIZI-RISALA 13:48

Ɓas, watru wa zinishani zangina wale ukia yawo itrongo ile, wajiv̄iwa, watukuza Urongozi wa Mola. Na piya wale waka watsahulwa wapare uhayati wa daima waamini.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

2 MAKORINTIYO 1:1

Wami Ɓaulusu, Muv̄ingizi-Risala wa Kristi-Insa|Kristi ha yamav̄endzeleo ya Mungu, na umwananya wa shi uaminifu Timutausu, risumuangishiani wanyu iDjama Ndziwaminifu ya Mungu ilio Korintiyo, v̄umoja na piya maaminifu walio hari mwa iAkaya|Akaya kamili.

MAEFESO 2:8

Mana ha rehema ɗe mwahuyiwa, ha ndzia ya uaminifu. Na iyo kaisuja ulawa hanyuju, ɓadi iyo ɗe ineema ya Mungu.

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

1 TIMUTAUSU 2:4

atsahao amba piya wanadamu wahuyiwe, tsena wapare ujuzi wa ukweli.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

1 TIMUTAUSU 6:3

Neka mutru asusomedza trongo zangina, tsena kasuɗunga ya marongozi ya kweli ya Raɓi watru Insa-Kristi na umusomo walingana na iĩɓada,

2 TIMUTAUSU 2:10

Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

2 TIMUTAUSU 2:23

Ɓauha malaguzi ya shiujinga kayana mana, ha ujua amba yao uv̄inga umani.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

YAKOƁU 1:1

Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

2 MONYE 1:3

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe.

2 MONYE 3:11

Rangu piya zizo zitsoangamidziwao namuna iyo, ɓasi v̄av̄o mulazimu muke jeje? Ɗe ha muendreleo mutwaharifu v̄umoja na ĩɓada,

1 YUHANI 2:23

Yotsi aharao uMwana, kasina wajau Ɓaɓa; uwo akuɓalio uMwana, ana wajau Ɓaɓa.

MUV̄ENULIO 1:1

Shio ini isuv̄inga umuv̄enulio ha Insa-Kristi, ulio amba Mungu amuv̄a aonese warumishi wahe izo zijao zihidjiri tsi hale. Aujudza ha ndzia ya malayika yahe aiv̄eleha ha murumishi wahe Yuhani,