MUV̄ENULIO 9:20 - Ha`bari Ndjema ya I Maore

²⁰ Na uwanadamu wangina walio amba kawaulawa na maɓa yanu, kawandra toɓa na zitrendro za mihono yawo. Kawazia uãɓudu mazetwani na masanamwe ya dhahaɓu, ya fedha, ya shaɓa, ya ɓwe, na ya muri, zitru zilio amba kazishindri ona, ɓila ukia, wala uendra.

MUV̄ENULIO 9:20 ပူးပေါင်းရင်းမြစ်များ

MATIYO 21:32

Mana Yahaya Muɓaĩshizi aja hanyu ha umuonesani indzia yarahara, na wanyu kamwamuamini; ɓadi yamaliv̄isa-latete na masusu wamuamini. Na wanyu wala ukana muono izo, ne kamwandra toɓa pare mwamuamini.»

MAV̄INGIZI-RISALA 17:29

Ɓasi rangu ilio amba wasi ra hari mwa inaswila ya Mungu, kayalazimu rafikiri amba uungu, uwo sawa na dhahaɓu, au fedha, au ɓwe, sanamwe lafanyiwa ha ujuzi na utrungizi wa mwanadamu.

MAV̄INGIZI-RISALA 19:26

Na wanyu musuona na ukia amba tsi ɗe Efeso tu, ɓadi wengini mwa iAziya, Ɓaulusu uwo asuambia na udanganya watru wengi wayakinishe amba miungu yifanyiwao ha mihono ya wanadamu, yiyo tsi miungu.

MAV̄INGIZI-RISALA 7:41

Ulawa v̄ale, wafanya sanamwe la mwana nyombe, watolea sadaka sanamwe lile, amwesa wajiv̄iwa na ishitru waifanya ha yimihono yawo.

2 MAKORINTIYO 12:21

Nisuria amba uwaswili yangu, Mwalangu Mungu asunipatse aĩɓu raha mbeli zanyu, tsena naja nahuzunishiha ha siɓaɓu ya wengi hari mwa wao waãswi nyuma hule, wala kawandra toɓa na zitrendrwa za utshafi zawo, uzindzi na shahawa mbovu zangina raha.

1 TIMUTAUSU 4:1

Na iRoho isurongoa dhwahiri amba hari mwa lidunia la mwiso, ɓaãdhwi watsoɓauha uaminifu, wadzifungamanise na roho ndzidangamanyifu na misomo ya shiushetwani

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 16:8

iMalayika ya nne iɓuhudza shikombe yayo hari mwa lijua, na wilo liv̄olwa livudze uwanadamu ha umoro.

MUV̄ENULIO 9:19

Mana ushindzi wa zifarasi wa hari mwa zihanyo zazo, na yimishia yazo. yiMishia yazo ufana na nyoha; yina zitswa na ɗe ha wizo ɗe yihodzao.

MUV̄ENULIO 9:21

Kawandra toɓa na zitrendro ziangamifu zawo, ɓila ngutsayi zawo, uzindzi wawo, wala nguwidzi zawo.