MUV̄ENULIO 8:2 - Ha`bari Ndjema ya I Maore

² Amwesa tsiono malayika saɓa zile zihimi mbeli za Mungu, tsena ziv̄olwa maɓaragumu saɓa.

MUV̄ENULIO 8:2 ပူးပေါင်းရင်းမြစ်များ

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MATIYO 24:31

Ha ɓaragumu ɓole atsov̄eleha malayika zahe hari mwa zinyonga nne za ishiv̄andre ya tsi, ile zingulidze watsahulwa wahe, ulawa kotso ata kotso ya uwingu.»

LUKASI 1:19

Malayika ile imudjiɓu: «Wami ɗe Djiɓurilu, wami uka mbeli za Mungu. Tsiv̄elehwa nije nilaguwe na wawe, tsena nihujudze haɓari ndjema iyo.

LUKASI 21:36

Ɓasi namuke hashiri, muke hari mwa mamilio dahari-dahari, ile mukane ushindzi wa utralia piya trongo zizo zitsojao, tsena mushindre muhime hazahaza mbeli za uMwana wa Mwanadamu.»

1 MAKORINTIYO 15:52

hari mwa sa moja, sa ya uv̄ena, liɓaragumu la mwiso lamovudziwa. Mana litsovuma, na uwafu watsoregezewa hayi wake kawaji ufa tsena, na wasi, wasi ritsogaudziwa.

1 MATESALONIKA 4:16

Mana Raɓi waye-waye atsoshuka ulawa pev̄oni ãmuri yamotolwa, v̄umoja na ji la umuɓole wa zimalayika, na ngono ya liɓaragumu la Mungu. V̄av̄o wao wafa hari mwa uv̄umoja na Kristi watsoregezewa hayi kadimu.

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 16:1

Wakati ule tsikia ji lendza nguvu lalawa hari mwa iNyumba Ndzitwaharifu, liambia zimalayika saɓa zile: «Namwendre mwaɓuhudze shiv̄andreju mwa tsi zizikombe saɓa za ihadhaɓu ya Mungu.»

MUV̄ENULIO 8:13

Tsiangalia, ɓasi tsikia kwezi lakov̄euha hari-hari na uwingu, tsena lakoshelemedza ha ji lendza nguvu: «Maondo, maondo, maondo ha uwakazi wa ishiv̄andre ya tsi ha siɓaɓu ya zingono zasalia za maɓaragumu yajovudziwao na zimalayika traru!»

MUV̄ENULIO 8:6

Ɓasi zimalayika saɓa zile zaka zasika yamaɓaragumu saɓa zakodzitayarisha ya uyavudzia.

MUV̄ENULIO 9:1

iMalayika ya tsano ivudzia liɓaragumu. Ɓasi tsiono nyora yapuliha shiv̄andreju mwa tsi ulawa mbinguni. Iv̄olwa umufunguo wa ishisima iwaswilishao Uzimu.