MUV̄ENULIO 8:10 - Ha`bari Ndjema ya I Maore

¹⁰ iMalayika ya raru ivudzia ɓaragumu layo. Na v̄ale nyora ɓole yakowala mauri shizinga ya moro ipuliha ulawa mbinguni, tsena ipuliha hari mwa lifungu la raru la yimiro na hari mwa yamatso ya maji.

MUV̄ENULIO 8:10 ပူးပေါင်းရင်းမြစ်များ

MATIYO 25:1

«Ɓas, v̄av̄o Utawalizi wa Monyewe ziMbingu utsojua ufanisiwe na wanahirimu watruwashe kumi, warenga mahombe yawo, walawa wandre wamupare ɓwana-harusi.

LUKASI 10:18

Sa ile Insa awaambia: «Nakomuona Shetwani iv̄o akopuliha ulawa mbinguni mauri peni.

YUDA 1:13

Wao mauri maluja yendza nguvu ya ɓahari yatoao povu lendza tsama la ziaĩɓu zawo; wa mauri nyora zendrao mboya zalishiwa ha dahari uɓole wa ishidza.

MUV̄ENULIO 1:20

Yahusu iãdjaɓu ya nyora saɓa waziona hari mwa muhono wa hume wangu, na zizihetsi-kombe saɓa za dhahaɓu, ɗe ini: zinyora saɓa, izo ɗe zimalayika za ziDjama Ndziwaminifu saɓa, na zizihetsi-kombe saɓa, ɗe ziDjama Ndziwaminifu wizo saɓa.»

MUV̄ENULIO 12:4

uMushia wayo wakogogora lifungu la raru la zinyora za mbinguni, na uwo uzivutsu shiv̄andreju mwa tsi. Shinyama ile ihimi mbeli za mutrumushe ule akwendra adze, ile iɗye mwana wahe amohisodza.

MUV̄ENULIO 14:7

Akorongoa ha ji lendza nguvu: «Namuriye Mungu, tsena mumutukuze, mana uwakati wa uhukumu wahe uwaswili. Namuãɓudu Monyewe uumba uwingu, ishiv̄andre ya tsi, iɓahari na yamatso ya maji.»

MUV̄ENULIO 16:4

iMalayika ya raru iɓuhudza ishikombe yayo hari mwa yimiro na yamatso ya maji, na yao yafanyiha damu.

MUV̄ENULIO 6:13

Na zinyora za mbinguni zakov̄aruha shiv̄andreju mwa tsi mauri muri wendza mbia uv̄arusao wamovudziwa na pev̄o yendza nguvu.

MUV̄ENULIO 8:7

Ya handra ivudzia ɓaragumu layo. Na v̄ale v̄ushuku vua yafa ɓwe na moro zatsangana na damu, zipulisiwa shiv̄andreju mwa tsi. liFungu la raru la ishiv̄andre ya tsi livudzwa, lifungu la raru la yimiri livudzwa, na piya malavu maitsi yavudzwa.

MUV̄ENULIO 9:1

iMalayika ya tsano ivudzia liɓaragumu. Ɓasi tsiono nyora yapuliha shiv̄andreju mwa tsi ulawa mbinguni. Iv̄olwa umufunguo wa ishisima iwaswilishao Uzimu.

MUV̄ENULIO 9:15

Na v̄av̄o zimalayika nne zile zaka zatayarishiwa za isa, na isuku, na umwezi, tsena na umwaha, ziɓuliwa pare ziule lifungu la raru la uwanadamu.

MUV̄ENULIO 9:18

liFungu la raru la uwanadamu liulawa na maɓa mararu yao: ha umoro, ha umwesi, na ha livu dzindzano zakolawa hanyoni mwa zifarasi.