MUV̄ENULIO 7:17 - Ha`bari Ndjema ya I Maore

¹⁷ Mana uMwana Ɓariɓari alio hari-hari na ishiri ya ufalume atsowatsunga na uwav̄inga hari mwa matso ya maji ya uhayati. Na Mungu atsov̄angua kula tsozi la matso yawo.› »

MUV̄ENULIO 7:17 ပူးပေါင်းရင်းမြစ်များ

MATIYO 2:6

‹Wawe v̄aho Ɓaitilham hari mwa itsi ya Yudeya, ha yakini kusi liv̄ungufu hari mwa yamalago yakia mbeli ya Yudeya; mana hahoju v̄utsolawa mukizi-mbeli atsotsungao umati wangu Israila.› »

MATIYO 5:4

Furaha ha wao walio hari mwa usikitifu, mana watsotrulidziwa.

YUHANI 10:11

Wami ɗe umutsunga mwema. Mutsunga mwema udzitoa fidia ha siɓaɓu ya maɓariɓari yahe.

YUHANI 10:14

Wami ɗe umutsunga mwema. Wami ujua maɓariɓari yangu, na yao unijua,

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

YUHANI 4:11

Sa ile mutrumama ule amuambia: «Mutukufu, kusina ndro ya uɓua, na ishisima ya ndrile. Ɓasi hav̄i ɗe utsoparao maji ya uhayati yao?

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

1 MONYE 5:2

namurundrise liɓangwe la Mungu mwadhwaminishiwalo, tsi ha mulazimisho, ɓadi ha uv̄endza yanyu, namuna Mungu atsahao, ɓila tsi ha mupario wendza aĩɓu, ɓadi v̄umoja na djitihadi.

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MUV̄ENULIO 21:22

Tsaona Nyumba Ndzitwaharifu v̄ale, mana Mwalatru Mungu, Monyewe Ushindzi, ɗe iNyumba Ndzitwaharifu yalo, v̄umoja na uMwana Ɓariɓari.

MUV̄ENULIO 21:23

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.

MUV̄ENULIO 21:4

Atsov̄angua kula tsozi matsoni hawo; ufa kautsoka tsena, wala kav̄utsoka tsena musiɓa, ɓila shililo, wala utungu, mana trongo za handra ziv̄iri.»

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.

MUV̄ENULIO 4:11

«Ustahiki Mola, Mungu watru, upare utukufu, hishima, na ushindzi, mana wawe ɗe waumba piya, ɗe ha mav̄endzeleo yaho ɗe zilio, tsena zaumbwa.»

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.