MUV̄ENULIO 7:15 - Ha`bari Ndjema ya I Maore

¹⁵ Iyo ɗe imana ata ‹walio mbeli na ishiri ya ufalume ya Mungu, wasumufanyia ĩɓada uku na mutsana moni mwa iNyumba Ndzitwaharifu yahe. Monyewe uketsi hari mwa ishiri ya ufalume atsowav̄ishidza ha umukayo wahe.

MUV̄ENULIO 7:15 ပူးပေါင်းရင်းမြစ်များ

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

1 MAKORINTIYO 3:16

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 8:1

iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni.

MUV̄ENULIO 11:19

Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.

MUV̄ENULIO 13:6

Iɓua ihanyo yayo ile imukufuru Mungu, ikufuru lidzina lahe, na makazi yahe, na wao waketsio pev̄oni.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

MUV̄ENULIO 21:22

Tsaona Nyumba Ndzitwaharifu v̄ale, mana Mwalatru Mungu, Monyewe Ushindzi, ɗe iNyumba Ndzitwaharifu yalo, v̄umoja na uMwana Ɓariɓari.

MUV̄ENULIO 22:3

Kav̄utsoka tsena ulaãnifu utsokao yotsi. iShiri ya ufalume ya Mungu na ya uMwana Ɓariɓari itsoka hari mwa liɗago, na warumishi wahe watsomuãɓudu.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 4:8

ziZiumbe nne zendza roho zile zikana kula moja maɓawa sita, tsena zikana matso wavuni piya na moni. Mutsana na uku kazisuzia urongoa: «Mutwaharifu, Mutwaharifu, Mutwaharifu ɗe Mola Mungu, Monyewe Ushindzi, Uwo aka, alio, tsena ajao.»

MUV̄ENULIO 4:9

Na kula wakati ziumbe zendza roho zile zitukuzao, zihishimuo, na uhimidia Monyewe uketsi hari mwa ishiri ya ufalume, Uwo aẽshio daima,

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.