MUV̄ENULIO 6:12 - Ha`bari Ndjema ya I Maore

¹² Tsiono tsena upua yahe iliti ya sita amba v̄ufanyiha mudridrimio muɓole wa ishiv̄andre ya tsi. liJua lifanyiha dziɗu mauri nguo ya musiɓa, na umwezi ha ukamilifu wawo ufanyiha mauri damu.

MUV̄ENULIO 6:12 ပူးပေါင်းရင်းမြစ်များ

MATIYO 11:21

«Maondo hahoju, Korazinu! Maondo hahoju Ɓaitisaida! Mana na djeli zimidjuza zafanyishiha hari mwanyu zika zifanyishiha Tiro na Sidoni, rangu hale itsoka amba waonesa amba wandre toɓa ha upindra maguni na udziv̄aha vu.

MATIYO 24:29

«Ɓaanda ya zisuku za ãdhaɓu zizo kamwe, ‹lijua litsongia shidza, na umwezi kautsowala tsena, zinyora zitsopuliha ulawa mbinguni, na zingushindzi za mbinguni zitsogudzusiwa.›

MATIYO 24:7

Nishani itsohima iwane kinyume na nishani, na ufalume kinyume na ufalume. V̄ahanu v̄wengi v̄utsoka dzaha la ndza, na midridrimio ya shiv̄andre ya tsi.

MATIYO 27:45

Rangu sa ya sita ata upara sa ya shendra, v̄ushuku shidza hari mwa piya itsi.

MATIYO 27:54

Ɓas, djukuma la madjeshi na uwatru wahe wakomugogea Insa uona yawo umudridrimio wa ishiv̄andre ya tsi na trongo zahidjiri v̄ale, waremwa na faza ɓole ata warongoa: «Ha kweli, mutru unu aka uMwana wa Mungu!»

MATIYO 28:2

Sa na isa v̄uja v̄uhidjiri mudridrimio wendza nguvu wa ishiv̄andre ya tsi, mana malayika ya Mola ishuku ulawa pev̄oni, ija iv̄ingirisa liɓwe, amwesa iketsi uju mwalo.

MARKUSI 15:33

Sa ya sita yamopara, v̄ushuku shidza hari mwa piya ishiv̄andre ya tsi ata mupaka sa ya shendra.

MUV̄ENULIO 11:13

Sa iyo v̄uhidjiri mudridrimio muɓole wa ishiv̄andre ya tsi, na lifungu la kumi la liɗago liangamia. Watru alifu saɓa wafariki hari mwa umudridrimio wa ishiv̄andre ya tsi. Wao waɓaki wangia trisidzo, ɓasi wamutukuza Mungu wa pev̄oni.

MUV̄ENULIO 16:18

Wakati ule v̄uv̄ene peni, v̄ukilihana maji, maguguma, na mudridrimio muɓole wa ishiv̄andre ya tsi kawaparoka rangu mida wanadamu walio shiv̄andreju mwa tsi.

MUV̄ENULIO 16:8

iMalayika ya nne iɓuhudza shikombe yayo hari mwa lijua, na wilo liv̄olwa livudze uwanadamu ha umoro.

MUV̄ENULIO 8:12

iMalayika ya nne ivudzia liɓaragumu. Ɓasi lifungu la raru la lijua liremwa, v̄umoja na lifungu la raru la umwezi, na lifungu la raru la zinyora, ile lifungu la raru lazo lifanyihe shidza, na lifungu la raru la umutsana lilawe iheu yalo, na uuku wajau.

MUV̄ENULIO 8:5

Ɓaanda ya v̄ale imalayika irenge ishieredzo-uɓani, aijadza moro wa italatala, amwesa aivutsu shiv̄andreju mwa tsi. Sa ile v̄ukiliha maguguma, maji, peni, na mudridrimio wa ishiv̄andre ya tsi.