MUV̄ENULIO 6:11 - Ha`bari Ndjema ya I Maore

¹¹ Ɓasi kula moja hari mwawo av̄olwa nguo ndjeu, tsena waambilwa wasuɓiri raha mwana wakati, ata mupaka iindadi ya wanyawo warumishi na wananyawo wa shi uaminifu wajao waulawe mauri ɗe wao, ikamilishihe.

MUV̄ENULIO 6:11 ပူးပေါင်းရင်းမြစ်များ

MATIYO 10:21

Mwananya atsomuv̄eleha mwananyahe aulawe, na ɓaɓa umwana wahe; wana watsohima kinyume na wadzaɗe wawo, wawatsongeshe waulawe.

LUKASI 15:22

Ɓadi ɓaɓahe aambia warumizi wahe: ‹Haraka, namuv̄inge kandzu ndzuzuri rahana indzuzuri, mumupindrise; mumutriye pere hari mwa isha, na kaɓwa mindruni.

YUHANI 16:2

Mutsoɓalidziwa ziNyumba za Uswali. Na v̄usuja wakati amba yotsi atsomuulanio, atsofikiri amba asumurumishia Mungu.

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

2 MATESALONIKA 1:7

tsena amuv̄eni wanyu muondeshehao, uv̄umuzi v̄umoja na wasi, wakati wa umuv̄enulio wa Raɓi Insa ulawa mbinguni v̄umoja na malayika zendza ushindzi zahe.

2 TIMUTAUSU 4:7

Tsiwana ikondro ndjema, tsimalidza umwendro, tsisiki uaminifu.

MAHEƁRANIYA 11:40

iv̄o Mungu aka ariãzimia trongo ndjema zaidi, ile wasupare ukamilifu ɓila wasi.

MAHEƁRANIYA 12:23

ha idjama wa yamadzazi ya handra yaangihwa pev̄oni. Mujilia ha Mungu alio hakimu wa piya, ha ziroho za wendza haki wakamilishiha,

MAHEƁRANIYA 4:10

Mana uwo angiao hari mwa uv̄umuzi wa Mungu, v̄av̄o asuv̄umua wajau na zihazi zahe, mauri ɗe Mungu na zahe.

MUV̄ENULIO 10:6

amwesa ilav̄a na Uwo aẽshio ha daima, aumba uwingu na izo zilio moni hawo, ishiv̄andre ya tsi na zilio moni hayo, iɓahari na zilio moni hayo, amba: wakati ukomo!

MUV̄ENULIO 13:15

Iv̄olwa itriye roho lisanamwe la shinyama mbovu ya handra ile, pare lilaguwe, amwesa lifanye amba piya wao kawakolisudjudia waulawe.

MUV̄ENULIO 14:13

Amwesa tsikia ji lalawa pev̄oni lakorongoa: «Angiha: Waɓarikishiha uwafu, wao wafao rangu av̄asa hari mwa uv̄umoja wa Raɓi.» iRoho isurongoa: «Ewa, nawav̄umuwe na hazi zawo, mana zitrendro zawo zisuwaɗunga.»

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.