MUV̄ENULIO 5:6 - Ha`bari Ndjema ya I Maore

⁶ Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MUV̄ENULIO 5:6 ပူးပေါင်းရင်းမြစ်များ

LUKASI 1:69

tsena arijisia Muhuyifu mwendza ushindzi ha ulawa hari mwa udjama wa murumishi wahe Daudu,

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

YUHANI 1:36

Ɓas, umuona yahe Insa iv̄o akov̄ira v̄ale, arongoa: «Tsunu uMwana Ɓariɓari wa sadaka wa Mungu!»

MAV̄INGIZI-RISALA 8:32

Na likara la uMuangishio Mutwaharifu akolisoma, ɗe lini: «Aka mauri ɓariɓari lav̄ingwa lendrao latsindzwe, mauri mwana ɓariɓari kalili mbeli za ule amuv̄alao, kaɓua ihanyo.

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 14:1

Amwesa tsiono uMwana Ɓariɓari ahima hari mwa uMulima wa Siyuna. Na v̄umoja na waye, v̄uka watru alifu miya wa aruɓaini na nne (144 000), walio amba usoni hawo v̄uka v̄uangihwa lidzina lahe na lidzina la Ɓaɓahe.

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 21:22

Tsaona Nyumba Ndzitwaharifu v̄ale, mana Mwalatru Mungu, Monyewe Ushindzi, ɗe iNyumba Ndzitwaharifu yalo, v̄umoja na uMwana Ɓariɓari.

MUV̄ENULIO 21:23

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.

MUV̄ENULIO 22:3

Kav̄utsoka tsena ulaãnifu utsokao yotsi. iShiri ya ufalume ya Mungu na ya uMwana Ɓariɓari itsoka hari mwa liɗago, na warumishi wahe watsomuãɓudu.

MUV̄ENULIO 4:8

ziZiumbe nne zendza roho zile zikana kula moja maɓawa sita, tsena zikana matso wavuni piya na moni. Mutsana na uku kazisuzia urongoa: «Mutwaharifu, Mutwaharifu, Mutwaharifu ɗe Mola Mungu, Monyewe Ushindzi, Uwo aka, alio, tsena ajao.»

MUV̄ENULIO 5:11

Amwesa tsiangalia, tsikia ji la malayika nyengi zapara indadi ya mialifu na mialifu. iShiri ya ufalume ile ika izingidziwa na ziumbe zendza roho na wadzaɗe.

MUV̄ENULIO 5:12

Ha ji lendza nguvu wakorongoa: «uMwana Ɓariɓari aka atsindzwa astahiki apare ushindzi, utadjiri, hikima, nguvu, hishima, utukufu, na sifa!»

MUV̄ENULIO 5:13

Amwesa kula shiumbe ilio mbinguni, uju na ishiv̄andre ya tsi, utsini na ishiv̄andre ya tsi na uju na iɓahari, piya zilio, tsizikia zakorongoa: «Ha Monyewe uketsi hari mwa ishiri ya ufalume na ha uMwana Ɓariɓari, sifa, hishima, utukufu na ushindzi daimani aɓada!»

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 6:16

Ɓasi wakoambia yimilima na yamadjaɓali amba: «Namurishukiye, muridzamise na isura ya Uwo aketsi hari mwa ishiri ya ufalume, na ihadhaɓu ya uMwana Ɓariɓari!