MUV̄ENULIO 5:13 - Ha`bari Ndjema ya I Maore

¹³ Amwesa kula shiumbe ilio mbinguni, uju na ishiv̄andre ya tsi, utsini na ishiv̄andre ya tsi na uju na iɓahari, piya zilio, tsizikia zakorongoa: «Ha Monyewe uketsi hari mwa ishiri ya ufalume na ha uMwana Ɓariɓari, sifa, hishima, utukufu na ushindzi daimani aɓada!»

MUV̄ENULIO 5:13 ပူးပေါင်းရင်းမြစ်များ

MATIYO 6:13

Usurilishe radjereɓilwa uzainiwa, ɓadi ripukamanise na uMovu|Movu.› [Mana utawalizi, ushindzi, na utukufu, wawe ɗe Monyewe wizo daimani aɓada. Amina.]

LUKASI 2:14

«Natukuzihe Mungu hari mwa yimikaɓala ya uju rahana uju, na amani shiv̄andreju mwa tsi ha wao awav̄a fadhwila.»

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

MAROMU 11:36

Mana zitru piya zilawa hahe, zija ha indzia yahe, na tsena za ha tanafu yahe. Natukuzihe ha daima! Amina.

MAROMU 16:27

waye Mungu weke mwendza hikima natukuzihe ha Insa-Kristi daimani aɓada. Amina.

MAROMU 9:5

Wadzaɗe wawo ɗe wadzaɗe wa zamani wale, na uv̄andre wa shiuɓinadamu Kristi alawa hari mwa ikaɓila yawo, waye Monyewe uju na zitrongo piya, Mungu naɓarikishihe daima. Amina.

MAEFESO 3:21

haheju utukufu naumuendreleye moni na iDjama Ndziwaminifu na hari mwa uv̄umoja na Kristi-Insa piya yimida, ha daima na daima! Amina.

MAFILIPI 2:10

ile ha lidzina la Insa kula dondro liv̄erehe ha umusudjudia, rangu mbinguni, shiv̄andreju mwa tsi, ata uzimu,

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

1 TIMUTAUSU 4:16

Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

1 MONYE 5:11

Haheju ushindzi nauke ha daima na daima. Amina.

YUDA 1:25

ha Mungu moja-moja, Muhuyifu watru ha ndzia ya Insa-Kristi, Raɓi watru, nav̄uke utukufu, ufalume, ushindzi na yezi, rangu kaɓula ya kula wakati, av̄asa, amma hari mwa piya uwakati! Amina.

MUV̄ENULIO 1:6

tsena afanya amba wasi ufalume wa Matolezi-Masadaka ha Mungu wahe amma Ɓaɓa, hahe nav̄uke utukufu na ushindzi mida ha mida. Amina.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 5:1

Amwesa tsiono moni na umuhono wa hume wa ule aketsi hari mwa ishiri ya ufalume shio yav̄ambiwa, yaangihwa moni na v̄ondze, tsena yaɓalwa hari mwa maɓandza saɓa na liti yaremwa muhuri.

MUV̄ENULIO 5:12

Ha ji lendza nguvu wakorongoa: «uMwana Ɓariɓari aka atsindzwa astahiki apare ushindzi, utadjiri, hikima, nguvu, hishima, utukufu, na sifa!»

MUV̄ENULIO 5:3

Ɓadi kav̄waka mutru yotsi, tsi mbinguni, ɓila shiv̄andreju mwa tsi, wala uzimu na ishiv̄andre ya tsi, akoshindra aɓuwe ishio, wala uiangalia.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.

MUV̄ENULIO 6:16

Ɓasi wakoambia yimilima na yamadjaɓali amba: «Namurishukiye, muridzamise na isura ya Uwo aketsi hari mwa ishiri ya ufalume, na ihadhaɓu ya uMwana Ɓariɓari!