MUV̄ENULIO 4:6 - Ha`bari Ndjema ya I Maore

⁶ Na mbeli mwa ishiri ya ufalume v̄uka mufano wa ɓahari ya shiɗo yakofana na ɓwe lendza thamani lihiriwao kristali. Hari-hari na ishiri ya ufalume na ha uzingidzia ishiri ya ufalume, v̄uka ziumbe nne zendza roho zaka zajaya matso mbeli na unyuma.

MUV̄ENULIO 4:6 ပူးပေါင်းရင်းမြစ်များ

MUV̄ENULIO 14:3

Wakohimba djimbo pia la sifa mbeli na ishiri ya ufalume, mbeli za ziumbe nne zendza roho zile, na uwadzaɗe. Kav̄waka yotsi akoshindra afundrihe djimbo lile neka tsi ɗe watru alifu miya wa aruɓaini na nne wale wakombolwa shiv̄andreju mwa tsi.

MUV̄ENULIO 15:2

Tsiono tsena mauri ɓahari ya shiɗo yatsangana na moro, na wale washindra ishinyama mbovu na lisanamwe layo, na ihisaɓu ya lidzina layo, waka wahimi uju na iɓahari ya shiɗo ile, tsena waka wasiki yamadzendze ya Mungu.

MUV̄ENULIO 15:7

Wakati ule moja mengoni mwa ziziumbe nne zendza roho zile iv̄a zimalayika saɓa zile zikombe saɓa za dhahaɓu zajaya na ihadhaɓu ya Mungu aẽshio mida ha mida.

MUV̄ENULIO 19:4

Ɓasi uwadzaɗe shirini na wanne wale na ziumbe nne zendza roho zile wasudjudia na umuãɓudu Mungu aketsi hari mwa ishiri ya ufalume, ha urongoa: «Amina! Haleluya!»

MUV̄ENULIO 21:11

yakowala ha utukufu wa Mungu. Muvagio wayo uka mauri wa ɓwe lendza thamani, ɓwe lihiriwao jaspe, wakoonea mauri shiɗo.

MUV̄ENULIO 21:18

iNgome ika iundrwa ha jaspe, na liɗago lika ha dhahaɓu sahe-sahe, mufano wa shiɗo sahe-sahe.

MUV̄ENULIO 21:21

yiMilongo kumi na mili yika lulu zendza thamani kumi na mbili. Kula moja hari mwa yimilongo uka ha lulu moja. iNdzia ɓole ya liɗago ika ha dhahaɓu sahe-sahe, mauri shiɗo ioneao.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 5:11

Amwesa tsiangalia, tsikia ji la malayika nyengi zapara indadi ya mialifu na mialifu. iShiri ya ufalume ile ika izingidziwa na ziumbe zendza roho na wadzaɗe.

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MUV̄ENULIO 5:8

Wakati arenga ishio, ziumbe nne zendza roho zile v̄umoja na uwadzaɗe shirini na wanne wale wasudjudia mbeli za uMwana Ɓariɓari. Kula moja aka asiki dzendze na zikombe za dhahaɓu zaka zajaya uɓani, ulio ɗe yamamilio ya watwaharifu.

MUV̄ENULIO 6:1

Tsiangalia, ɓasi tsiono wakati uMwana Ɓariɓari apua moja hari mwa ziliti saɓa, amwesa tsikia moja mengoni mwa ziumbe nne zendza roho zile irongoa ha ji mauri guguma: «Ko!»

MUV̄ENULIO 6:6

Na tsami tsikia mauri ji hari-hari na ziumbe nne zendza roho zile lakorongoa: «Shiv̄imo moja ya mele ha turuturu ya marike, na ziv̄imo traru za murama-mutsa ha turuturu ya marike. Ɓadi yahusu matra na maji ya zaɓiɓu, usuyadhuru.»

MUV̄ENULIO 7:11

Na piya zimalayika zika zihimi uzingidzia ishiri ya ufalume, uwadzaɗe, v̄umoja na ziumbe nne zendza roho zile. Wareme uso wawo v̄otsi mbeli na ishiri ya ufalume na usudjudia Mungu

MUV̄ENULIO 7:17

Mana uMwana Ɓariɓari alio hari-hari na ishiri ya ufalume atsowatsunga na uwav̄inga hari mwa matso ya maji ya uhayati. Na Mungu atsov̄angua kula tsozi la matso yawo.› »