MUV̄ENULIO 4:4 - Ha`bari Ndjema ya I Maore

⁴ Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 4:4 ပူးပေါင်းရင်းမြစ်များ

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

LUKASI 22:30

ile pare muɗye na unwa mezaju hangu hari mwa utawalizi wangu, tsena muketsi hari mwa ziri za ufalume, ile muhukumu zingudjama kumi na mbili za Israila.»

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

MUV̄ENULIO 11:16

uWadzaɗe shirini na wanne wale waketsi mbeli za Mungu hari mwa ziri za ufalume zawo, wasudjudia ha unyamisa sura zawo v̄otsi na umuãɓudu Mungu

MUV̄ENULIO 14:3

Wakohimba djimbo pia la sifa mbeli na ishiri ya ufalume, mbeli za ziumbe nne zendza roho zile, na uwadzaɗe. Kav̄waka yotsi akoshindra afundrihe djimbo lile neka tsi ɗe watru alifu miya wa aruɓaini na nne wale wakombolwa shiv̄andreju mwa tsi.

MUV̄ENULIO 19:14

yaMadjeshi yalio pev̄oni yakomuɗunga, waka wapashia farasi ndjeu, wapindri kitani yaswafishiha, ndjeu tsena ndzambamba.

MUV̄ENULIO 19:4

Ɓasi uwadzaɗe shirini na wanne wale na ziumbe nne zendza roho zile wasudjudia na umuãɓudu Mungu aketsi hari mwa ishiri ya ufalume, ha urongoa: «Amina! Haleluya!»

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 4:6

Na mbeli mwa ishiri ya ufalume v̄uka mufano wa ɓahari ya shiɗo yakofana na ɓwe lendza thamani lihiriwao kristali. Hari-hari na ishiri ya ufalume na ha uzingidzia ishiri ya ufalume, v̄uka ziumbe nne zendza roho zaka zajaya matso mbeli na unyuma.

MUV̄ENULIO 5:11

Amwesa tsiangalia, tsikia ji la malayika nyengi zapara indadi ya mialifu na mialifu. iShiri ya ufalume ile ika izingidziwa na ziumbe zendza roho na wadzaɗe.

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MUV̄ENULIO 5:8

Wakati arenga ishio, ziumbe nne zendza roho zile v̄umoja na uwadzaɗe shirini na wanne wale wasudjudia mbeli za uMwana Ɓariɓari. Kula moja aka asiki dzendze na zikombe za dhahaɓu zaka zajaya uɓani, ulio ɗe yamamilio ya watwaharifu.

MUV̄ENULIO 6:11

Ɓasi kula moja hari mwawo av̄olwa nguo ndjeu, tsena waambilwa wasuɓiri raha mwana wakati, ata mupaka iindadi ya wanyawo warumishi na wananyawo wa shi uaminifu wajao waulawe mauri ɗe wao, ikamilishihe.

MUV̄ENULIO 7:11

Na piya zimalayika zika zihimi uzingidzia ishiri ya ufalume, uwadzaɗe, v̄umoja na ziumbe nne zendza roho zile. Wareme uso wawo v̄otsi mbeli na ishiri ya ufalume na usudjudia Mungu

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.

MUV̄ENULIO 9:7

Maɗatra yao yakofana na farasi zatayarishiwa za kondro. Zitswani hayo v̄uka mauri kemba za dhahaɓu, na sura zayo zika mauri sura za wanadamu.