MUV̄ENULIO 4:10 - Ha`bari Ndjema ya I Maore

¹⁰ uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 4:10 ပူးပေါင်းရင်းမြစ်များ

MATIYO 2:11

Wangia moni na inyumba, waono umwana na mayahe Mariama. Sa ile wavundzu malondro, wamusudjudia. Amwesa waɓulia midzo yawo, wamutamania zawadi: dhahaɓu, udi, na marashi ya miru.

LUKASI 24:52

Na wao ɓaanda wamuãɓudu, waregea Yerusalemu na furaha ɓole.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

MUV̄ENULIO 10:6

amwesa ilav̄a na Uwo aẽshio ha daima, aumba uwingu na izo zilio moni hawo, ishiv̄andre ya tsi na zilio moni hayo, iɓahari na zilio moni hayo, amba: wakati ukomo!

MUV̄ENULIO 11:16

uWadzaɗe shirini na wanne wale waketsi mbeli za Mungu hari mwa ziri za ufalume zawo, wasudjudia ha unyamisa sura zawo v̄otsi na umuãɓudu Mungu

MUV̄ENULIO 15:4

Mbani katsoria, wala katsotukuza dzina laho Mola? Mana wawe weke ɗe Mutwaharifu. Na piya zinishani zitsoja, amwesa zitsosudjudia mbeli zaho, mana uhaki waho uv̄enuha.»

MUV̄ENULIO 15:7

Wakati ule moja mengoni mwa ziziumbe nne zendza roho zile iv̄a zimalayika saɓa zile zikombe saɓa za dhahaɓu zajaya na ihadhaɓu ya Mungu aẽshio mida ha mida.

MUV̄ENULIO 19:4

Ɓasi uwadzaɗe shirini na wanne wale na ziumbe nne zendza roho zile wasudjudia na umuãɓudu Mungu aketsi hari mwa ishiri ya ufalume, ha urongoa: «Amina! Haleluya!»

MUV̄ENULIO 4:2

Sa ile tsisikwa na iRoho. Na tsio, v̄uka shiri ya ufalume pev̄oni, na hari mwa ishiri ya ufalume ile v̄uka v̄uketsi mutru.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 4:9

Na kula wakati ziumbe zendza roho zile zitukuzao, zihishimuo, na uhimidia Monyewe uketsi hari mwa ishiri ya ufalume, Uwo aẽshio daima,

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 5:8

Wakati arenga ishio, ziumbe nne zendza roho zile v̄umoja na uwadzaɗe shirini na wanne wale wasudjudia mbeli za uMwana Ɓariɓari. Kula moja aka asiki dzendze na zikombe za dhahaɓu zaka zajaya uɓani, ulio ɗe yamamilio ya watwaharifu.

MUV̄ENULIO 7:11

Na piya zimalayika zika zihimi uzingidzia ishiri ya ufalume, uwadzaɗe, v̄umoja na ziumbe nne zendza roho zile. Wareme uso wawo v̄otsi mbeli na ishiri ya ufalume na usudjudia Mungu