MUV̄ENULIO 3:5 - Ha`bari Ndjema ya I Maore

⁵ V̄av̄o uwo ashindra atsopindra nguo ndjeu; tsitsozima ata hata lidzina lahe moni na ishio ya uhayati, tsena nitsokuɓali dzina lahe mbeli za Ɓaɓangu na mbeli za zimalayika zahe.

MUV̄ENULIO 3:5 ပူးပေါင်းရင်းမြစ်များ

MATIYO 10:32

«Ha izo, yotsi anikuɓalio mbeli za wanadamu, nitsomukuɓali wami wajau mbeli za Ɓaɓangu alio mbinguni.

LUKASI 10:20

Wala musufurahi amba madjini yasumutuĩni, ɓadi namufurahi amba madzina yanyu yaangihwa pev̄oni.»

LUKASI 12:8

«Nisumuambiani amba mutru yotsi atsonikuɓalio mbeli za wanadamu, uMwana wa Mwanadamu|Mwana wa Mwanadamu atsomukuɓali wajau mbeli za zimalayika za Mungu.

MAFILIPI 4:3

Na wawe wajau munyangu muaminifu, nisuhumia usaidi wananyatru watruwashe wao walio amba wawania iIndjili v̄umoja na wami, na v̄umoja na Klementusu na washangirizi wangu wasalia, walio amba madzina yawo ya moni na ishio ya uhayati.

YUDA 1:24

Ɓasi ha Uwo ashindrao amuziyeni na kula mukwaliso, tsena amuyeleheni mbeli za utukufu wahe ɓila pandra hari mwa furaha,

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.

MUV̄ENULIO 19:8

Akuɓaliwa apindre kitani yaswafishiha, tsena ndzambamba iwalao.» iKitani ndzambamba iyo, ɗe zizitrendro zendza haki za uwatwaharifu.

MUV̄ENULIO 2:11

Mwendza makio, nakiye izo iRoho aambiao ziDjama Ndziwaminifu! Uwo ashindra, katsodhurushiha na ufa ya v̄ili.»

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MUV̄ENULIO 20:12

Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.

MUV̄ENULIO 21:27

Kav̄utsongia ata hata shitru ya tsama itsokao yotsi moni v̄ale, wala yotsi afanyao trongo kazalazimu au za trambo, ɓadi ɗe wao tu waangihwa hari mwa ishio ya uhayati ya uMwana Ɓariɓari.

MUV̄ENULIO 22:19

Na neka mutru atowo marongozi ya shi mutrume yashukidziwa ya ishio ini, Mungu atsotoa lifungu lahe hari mwa umuri wa uhayati, na hari mwa liƊago Dzitwaharifu zaangihwa hari mwa ishio ini.

MUV̄ENULIO 3:12

Uwo ashindra nitsomufanya ake ngidzo moni na iNyumba Ndzitwaharifu ya Mungu wangu, tsena katsoilawia ata idahari. Nitsoangiha uju mwaye lidzina la Mungu wangu, na lidzina la liɗago la Mungu wangu, iYerusalemu pia ishukao ulawa pev̄oni ha Mungu wangu. Nitsoangiha raha uju mwaye lidzina pia langu.

MUV̄ENULIO 3:4

Ata namuna iyo, una ɓaãdhwi ya watru Sardesu kawatria tsama nguo zawo. Watsendra v̄umoja na wami ha nguo ndjeu, mana waistahiki.

MUV̄ENULIO 6:11

Ɓasi kula moja hari mwawo av̄olwa nguo ndjeu, tsena waambilwa wasuɓiri raha mwana wakati, ata mupaka iindadi ya wanyawo warumishi na wananyawo wa shi uaminifu wajao waulawe mauri ɗe wao, ikamilishihe.