MUV̄ENULIO 3:18 - Ha`bari Ndjema ya I Maore

¹⁸ Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.

MUV̄ENULIO 3:18 ပူးပေါင်းရင်းမြစ်များ

MATIYO 13:44

«Utawalizi wa Monyewe ziMbingu ujua ufanisiwe raha na dafine yadzamisiwa moni na shamba. Mutru aiparao, uitsitsa raha, na ha ifuraha yahe, waye uendra audze piya alionayo, pare anunuwe shamba lile.»

MATIYO 25:9

Ɓadi wendza hikima wale wadjiɓu: ‹Kaitsokiri, mana kayatsoritosha wasi na wanyu. Ɓorwa mwendre ha maudzizi-matra, mwadzinunuliye.›

LUKASI 12:21

Iyo ɗe iheli ya mutru adzingulidziao mali ha iwaye yahe, ɓila waye tsi tadjiri mbeli za Mungu.»

2 MAKORINTIYO 5:3

mana ramopindrisiwayo, karitsoparihana wadzi.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

1 TIMUTAUSU 6:18

Nawarendre ndjema, wake tadjiri ha zitrendro ndjema, wake wangu wa uv̄a, tsena wakane maendreleo ya ushirika.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.

MUV̄ENULIO 19:8

Akuɓaliwa apindre kitani yaswafishiha, tsena ndzambamba iwalao.» iKitani ndzambamba iyo, ɗe zizitrendro zendza haki za uwatwaharifu.

MUV̄ENULIO 2:9

Nisujua matreso yaho na usikini waho, wala ukana amba wawe tadjiri. Tsena nisujua zinaĩ urongolwaozo na wao wadzihirao Mayahudi wala kawasi, ɓadi walio djama iãɓuduo Shetwani.

MUV̄ENULIO 3:17

Mana usurongoa amba: ‹Tsa tadjiri, tsitadjirishiha, tsisutama itsokao yotsi›, ɓila ujua amba iwawe yaho djondo, wa uv̄orehwa, masikini, mufa-matso, tsena wa wadzi.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 7:13

Ɓas moja hari mwa wadzaɗe wale arenge umurongo, anidzisa: «Wale wapindra zinguo ndjeu, wale watru trini, walawa hav̄i?»