MUV̄ENULIO 22:9 - Ha`bari Ndjema ya I Maore

⁹ Ɓadi iniambia: «Usufanye trongo iyo! Wami murumishi munyaho, na wa wanyaho wao washukidziwa marongozi ya shi mutrume, na wao wasikao marongozi ya ishio ini. Muãɓudu ɗe Mungu!»

MUV̄ENULIO 22:9 ပူးပေါင်းရင်းမြစ်များ

MATIYO 4:9

amuambia: «Zile piya nitsohuv̄azo, neka usunisudjudia na uniãɓudu.»

LUKASI 4:7

V̄av̄o neka unisudjudia ha uniãɓudu, zitsoka zaho piyazo.»

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

MUV̄ENULIO 1:1

Shio ini isuv̄inga umuv̄enulio ha Insa-Kristi, ulio amba Mungu amuv̄a aonese warumishi wahe izo zijao zihidjiri tsi hale. Aujudza ha ndzia ya malayika yahe aiv̄eleha ha murumishi wahe Yuhani,

MUV̄ENULIO 1:11

larongoa: «Trongo uionao, iangihe hari mwa shio, amwesa uiv̄elehe ha ziDjama Ndziwaminifu saɓa zini: Efeso, Smirna, Pergamu, Tiyatira, Sardesu, Filadelfiya, na Laodiseya.»

MUV̄ENULIO 14:7

Akorongoa ha ji lendza nguvu: «Namuriye Mungu, tsena mumutukuze, mana uwakati wa uhukumu wahe uwaswili. Namuãɓudu Monyewe uumba uwingu, ishiv̄andre ya tsi, iɓahari na yamatso ya maji.»

MUV̄ENULIO 15:4

Mbani katsoria, wala katsotukuza dzina laho Mola? Mana wawe weke ɗe Mutwaharifu. Na piya zinishani zitsoja, amwesa zitsosudjudia mbeli zaho, mana uhaki waho uv̄enuha.»

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 22:10

Amwesa iniambia: «Usuɓale ha liti marongozi ya shi mutrume yashukidziwa ya ishio ini, mana wakati ukuruɓia.

MUV̄ENULIO 22:18

Nisufahamisha yotsi akiao marongozi ya shi mutrume yashukidziwa ya ishio ini amba: Neka mutru ayaengedzea trongo, Mungu atsomuengedzea yamaɓa yaangihwa moni na ishio ini.

MUV̄ENULIO 22:7

«Tsami nisuja tsi hale! Aɓarikishiha uwo asika marongozi ya shi mutrume yashukidziwa ya ishio ini.»

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 9:20

Na uwanadamu wangina walio amba kawaulawa na maɓa yanu, kawandra toɓa na zitrendro za mihono yawo. Kawazia uãɓudu mazetwani na masanamwe ya dhahaɓu, ya fedha, ya shaɓa, ya ɓwe, na ya muri, zitru zilio amba kazishindri ona, ɓila ukia, wala uendra.