MUV̄ENULIO 22:14 - Ha`bari Ndjema ya I Maore

¹⁴ Waɓarikishiha wao wafuao nguo zawo, ile wakane haki hari mwa umuri wa uhayati, tsena wangiye ɗagoni ha uv̄ira milongoju.

MUV̄ENULIO 22:14 ပူးပေါင်းရင်းမြစ်များ

YUHANI 10:7

Amwesa Insa awaambia raha: «Nisumuambiani ha kweli, wami ɗe umulongo wa yamaɓariɓari.

YUHANI 10:9

Wami ɗe umulongo. Mutru angiao ha univ̄ira, uwo atsohuyiwa. Atsongia na ulawa, amwesa atsopara za uɗya.

YUHANI 14:15

«Neka musuniv̄endza, mutsotuĩ ãmuri zangu.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 4:12

Hali wawe muɓole rahana ɓaɓatru Yaãkuɓu? Waye ɗe ariv̄a shisima ini, amwesa anwa yamaji waye-waye, v̄umoja na wana wahe na maɓangwe yahe.»

1 MAKORINTIYO 7:19

Mana utahiriwa, tsi ɗe itrongo, au tsi utahiriwa, tsi ɗe itrongo, ɓadi ɗe uɗunga ãmuri za Mungu.

1 MAKORINTIYO 8:9

Ɓadi namudzitahadharishe ile unafasi wanyu usuke siɓaɓu ya ukwalisa wao kawasi wahodari.

1 MAKORINTIYO 9:5

Hali ɓasi karisina ruhusa ya uv̄inga v̄umoja na wasi mwananya mutrumama muaminifu amma mutrumushe, mauri ɗe namuna wafanyao Mav̄ingizi-Risala yasalia, na wananyahe wa Raɓi, na Sefasi?

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

1 YUHANI 5:3

Mana uv̄endza Mungu ɗe utuĩ ãmuri zahe. Na ãmuri zahe kazisi ndziro,

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MUV̄ENULIO 21:12

Ikana ngome ɓole amwesa ndzundra, tsena ikana milongo kumi na mili, na uju na yimilongo v̄uka malayika kumi na mbili. Tsena hari mwayo v̄uka v̄uangihwa yamadzina ya zingudjama kumi na mbili za Israila.

MUV̄ENULIO 21:27

Kav̄utsongia ata hata shitru ya tsama itsokao yotsi moni v̄ale, wala yotsi afanyao trongo kazalazimu au za trambo, ɓadi ɗe wao tu waangihwa hari mwa ishio ya uhayati ya uMwana Ɓariɓari.

MUV̄ENULIO 22:2

Hari-hari na ishandza-hari ya liɗago na ju la yamango maili ya umuro, v̄uka muri wa uhayati utoao mavuna mara kumi na mbili hari mwa mwaha, udzao mbia zawo kula mwezi. Na mani ya umuri, yao ya uv̄onesa zinishani.

MUV̄ENULIO 22:7

«Tsami nisuja tsi hale! Aɓarikishiha uwo asika marongozi ya shi mutrume yashukidziwa ya ishio ini.»

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.