MUV̄ENULIO 21:8 - Ha`bari Ndjema ya I Maore

⁸ Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 21:8 ပူးပေါင်းရင်းမြစ်များ

MATIYO 10:28

Musuriye wao waulao mwili, wala kawashindri uula roho. Mutru alazimu mumuriye, ɗe uwo ashindrao aangamidze iroho na umwili moni na umoro wa Djahanama.

MATIYO 25:25

Ɓas tsiriyi, tsendre tsitsitsi pauni laho shiv̄andreju mwa tsi; tsiyo, renga mali yaho.›

MATIYO 8:26

Ɓas awaambia: «Manatrini muriao? Wanyu watru wendza uaminifu mushashi!» Amwesa ahimi, alagulia ipev̄o na iɓahari; sa ile v̄ushuku shiwari.

MARKUSI 9:44

V̄ahali nyengwe yawo kaifu, na umoro kauzimiha.]

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

2 MATESALONIKA 2:9

uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki,

1 TIMUTAUSU 4:2

yilio amba yiyo uja ha unafiki wa watru wendza marongozi ya trambo, walio amba likoho la unamuzi lawo hari mwa ndjema na mbovu uka mauri livudzwa ha shuma ya moro.

TITUSA 1:16

Wasurongoa amba wasumujua Mungu, ɓadi wasumuhara ha zitrendro zawo. Wafanyiha walaãnifu, kawatuĩ itsokao yotsi, ɓila kawashindri ufanya ata shitrendro ndjema.

MAHEƁRANIYA 12:24

mumujilia Insa, umuparanisa wa mukataɓa muv̄ia, na idamu yahe yatsambadziwa ilaguao trongo ndjema rahana ya Haɓilu.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

1 YUHANI 2:22

uMunafiki ɗe mbani, neka tsi ɗe uwo aharao amba Insa ɗe Kristi? Uwo ɗe uMukanyusha-Kristi, uwo amuharao Ɓaɓa na uMwana.

1 YUHANI 3:15

Yotsi aengao munyahe, waye muula, na musujua amba kav̄u muula alio amba uhayati wa daima uka moni hahe.

1 YUHANI 5:10

Mutru aaminio uMwana wa Mungu, waye ukana ushahidi uwo moni hahe. Uwo kasuamini Mungu, asumufanya munafiki, iv̄o kasuamini ushahidi Mungu autoa ju la uMwana wahe.

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 2:11

Mwendza makio, nakiye izo iRoho aambiao ziDjama Ndziwaminifu! Uwo ashindra, katsodhurushiha na ufa ya v̄ili.»

MUV̄ENULIO 2:2

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.

MUV̄ENULIO 21:27

Kav̄utsongia ata hata shitru ya tsama itsokao yotsi moni v̄ale, wala yotsi afanyao trongo kazalazimu au za trambo, ɓadi ɗe wao tu waangihwa hari mwa ishio ya uhayati ya uMwana Ɓariɓari.

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.

MUV̄ENULIO 9:17

Na hari mwa inida naiona, tsiono zifarasi na uwatru waka wazipandra namuna ini: Zifuɓani hawo wakana magwezi yendza range ya moro, murututu waiva, na dzindzano la shi vu la dzaha. ziZitswa za zifarasi zika mauri zitswa za simba, na hanyoni mwazo v̄wakolawa moro, mwesi, na vu dzindzano.

MUV̄ENULIO 9:21

Kawandra toɓa na zitrendro ziangamifu zawo, ɓila ngutsayi zawo, uzindzi wawo, wala nguwidzi zawo.