MUV̄ENULIO 21:3 - Ha`bari Ndjema ya I Maore

³ Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

MUV̄ENULIO 21:3 ပူးပေါင်းရင်းမြစ်များ

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 14:23

Insa amudjiɓu: «Neka mutru asuniv̄endza, atsosika urongozi wangu, tsena Ɓaɓangu atsomuv̄endza; ritsomujilia, amwesa ritsofanya makazi yatru hahe.

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

2 MAKORINTIYO 6:18

«Wami nitsoka Ɓaɓanyu, na wanyu, hanguju mutsoka wana watruɓaɓa na watrumama, asurongoa Mola Monyewe ushindzi.»

1 MATESALONIKA 3:11

Ɓasi v̄av̄o Mungu watru amma Ɓaɓa waye-waye, v̄umoja na Raɓi watru Insa, nawarengeledze ndzia yatru ata riwaswili hanyu.

MAHEƁRANIYA 11:16

Ɓadi hususwani wakotsaha v̄ahanu v̄ulio ɓorwa, yaãni v̄wa shipev̄oni. Iyo ɗe imana ata Mungu kaono haya uhiriwa Mungu wawo, mana awatayarishia ɗago.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

MAHEƁRANIYA 8:2

Waye a murumishi hari mwa liPa Dzitwaharifu rahana Dzitwaharifu|Pa Dzitwaharifu rahana Dzitwaharifu, amma ɗe iNyumba ya Haima|Nyumba Ndzitwaharifu ya Haima ya kweli yamidzwa na Mola, ɓadi tsi na mwanadamu.

MUV̄ENULIO 10:4

Wakati maguguma saɓa yale yalagua, nakwendra amba niangihe, ɓadi tsikia ji lalawa pev̄oni amba: «Sikidza liti izo zarongolwa na yamaguguma saɓa yale, ɓadi usuziangihe.»

MUV̄ENULIO 10:8

Amwesa liji naka nalikia ulawa pev̄oni lilagua tsena na wami ha urongoa: «Endra warenge umwana shio aɓuha muhononi ha imalayika yahima uju na iɓahari na uju na ishiv̄andre ya tsi.»

MUV̄ENULIO 12:10

Ɓas v̄ale tsikia ulawa pev̄oni ji lendza nguvu lakorongoa: «Av̄asav̄anu ziwaswili uwokovu, ushindzi, utawalizi wa Mungu watru, na iyezi ya Kristi wahe. Mana avutswa v̄ondze, umusingidza wa wananyatru akowasingidza mbeli za Mungu watru uku na mutsana.

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.

MUV̄ENULIO 22:3

Kav̄utsoka tsena ulaãnifu utsokao yotsi. iShiri ya ufalume ya Mungu na ya uMwana Ɓariɓari itsoka hari mwa liɗago, na warumishi wahe watsomuãɓudu.

MUV̄ENULIO 7:15

Iyo ɗe imana ata ‹walio mbeli na ishiri ya ufalume ya Mungu, wasumufanyia ĩɓada uku na mutsana moni mwa iNyumba Ndzitwaharifu yahe. Monyewe uketsi hari mwa ishiri ya ufalume atsowav̄ishidza ha umukayo wahe.