MUV̄ENULIO 21:23 - Ha`bari Ndjema ya I Maore

²³ liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.

MUV̄ENULIO 21:23 ပူးပေါင်းရင်းမြစ်များ

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

LUKASI 2:32

mwenge uonesheye zinishani, tsena utukufu wa Israila, umati waho.»

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

YUHANI 1:4

Moni nawo v̄uka uhayati, na uhayati uwo uka ɗe inuru ya wanadamu.

YUHANI 1:9

Uwo ɗe inuru ya kweli iwaliao kula mwanadamu ɗe yakoja ulemenguni.

YUHANI 17:24

Ɓaɓa, natsov̄endza v̄ahanu nilio wao waniv̄awo wake wajau na wami, pare waone utukufu wangu, utukufu waniv̄awo iv̄o waniv̄endza kaɓula ya lidunia uumbwa.

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

MAV̄INGIZI-RISALA 22:11

Ha iv̄o tsakoona ha siɓaɓu ya uhali wa iheu ile, wale waka v̄umoja na wami wanisiki umuhono, ata tsiwaswili Damasko.

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MUV̄ENULIO 18:1

Ɓaanda ya v̄ale tsiono malayika yangina yakoshuka ulawa pev̄oni. Ikana yezi ɓole, na ishiv̄andre ya tsi iwaliwa na utukufu wayo.

MUV̄ENULIO 21:11

yakowala ha utukufu wa Mungu. Muvagio wayo uka mauri wa ɓwe lendza thamani, ɓwe lihiriwao jaspe, wakoonea mauri shiɗo.

MUV̄ENULIO 21:25

Milongo yalo kayitsoɓalwa mutsana, mana v̄av̄o kav̄utsoka uku.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MUV̄ENULIO 7:17

Mana uMwana Ɓariɓari alio hari-hari na ishiri ya ufalume atsowatsunga na uwav̄inga hari mwa matso ya maji ya uhayati. Na Mungu atsov̄angua kula tsozi la matso yawo.› »