MUV̄ENULIO 20:4 - Ha`bari Ndjema ya I Maore

⁴ Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 20:4 ပူးပေါင်းရင်းမြစ်များ

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MATIYO 24:10

V̄av̄o tsena ha watru wengi itsoka siɓaɓu ya ukwala hari mwa uaminifu wawo, watsov̄iriana nyuma na uengana.

MARKUSI 6:16

Ɓadi Hirudu ukia yahe trongo zile, arongoa: «Yahaya ule namupua ishitswa ɗe aregezewa hayi!»

MARKUSI 6:27

V̄ale kamwe, av̄eleha moja hari mwa yamagogezi na iãmuri av̄inge ishitswa ya Yahaya Muɓaĩshizi. Mugogezi ule andre amupua Yahaya ishitswa shiv̄ani,

MARKUSI 9:11

Amwesa wamudzisa: «Manatrini Mafundi ya Sharia warongoao amba Eliya alazimu aje raɓuzi?»

LUKASI 1:17

Atsomutrangulia ha iroho na ushindzi wa Eliya, ile agaudze roho za maɓaɓa ha uwana, na wakaidi ha ihikima ya watuĩvu, ile amurengeledzeye Mola umati watayarishiwa.»

LUKASI 14:14

V̄av̄o utsoɓarikishiha, mana kawatsoshindra wahuliv̄a zile wawafanyia. Ɓadi utsoliv̄wa wakati wa umuregezeo hayi wa waraharifu.»

LUKASI 22:30

ile pare muɗye na unwa mezaju hangu hari mwa utawalizi wangu, tsena muketsi hari mwa ziri za ufalume, ile muhukumu zingudjama kumi na mbili za Israila.»

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

MAROMU 11:15

Mana neka utengefu wawo uv̄ingia ulemengu muparaniso na Mungu, v̄av̄o ukuɓaliwa yawo itsov̄inga trini, neka tsi muregezeo hayi ulawa ha uwafu?

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

MUV̄ENULIO 1:2

alio amba alawa ushahidi piya izo aona, ne ɗe Urongozi wa Mungu na ushahidifu wa Insa-Kristi.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa

MUV̄ENULIO 11:11

Ɓadi ɓaanda ya suku traru wa nusu zile, roho ya uhayati yalawa ha Mungu iwangilia, wahimi ha yimindru yawo. Ɓasi faza ɓole isiki wale wakowaona.

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 11:3

Nitsov̄a yamazahidi maili yangu yajudze marongozi ya shi mutrume yashukidziwa muda wa suku alifu wa miyateni wa sitini; na wao watsopindra maguni.»

MUV̄ENULIO 11:7

Wakati watsomalidzao ushahidi wawo, ishinyama mbovu ilawao Uzimu itsowana na wao, itsowashindra, amwesa itsowaula.

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

MUV̄ENULIO 14:11

Na umwesi wa matreso yawo usuhea dahari. Kawasina uv̄umuzi, tsi mutsana wala uku, wao waãɓuduo ishinyama mbovu na lisanamwe layo, na yotsi aparao iãlama ya lidzina layo.»

MUV̄ENULIO 15:2

Tsiono tsena mauri ɓahari ya shiɗo yatsangana na moro, na wale washindra ishinyama mbovu na lisanamwe layo, na ihisaɓu ya lidzina layo, waka wahimi uju na iɓahari ya shiɗo ile, tsena waka wasiki yamadzendze ya Mungu.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.

MUV̄ENULIO 2:26

Ha uwo ashindra na usika ata mwiso zitrendro zangu, nitsomuv̄a yezi hari mwa zinishani.

MUV̄ENULIO 20:6

Waɓarikishiha na utwaharishiha wao waliona fungu hari mwa umuregezeo hayi wa handra. Hari mwao, ufa wa v̄ili kauna ushindzi, ɓadi watsoka Matolezi-Masadaka wa Mungu na wa Kristi, tsena watsotawala v̄umoja na waye hari mwa yimaha alifu yiyo.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 6:9

Upua yahe iliti ya tsano, tsiono utsini na italatala ya masadaka ziroho za wao waulawa ha siɓaɓu ya Urongozi wa Mungu|Urongozi na ushahidifu wakouv̄inga.

MUV̄ENULIO 7:3

«Mwasurendreye mbovu ishiv̄andre ya tsi, ɓila iɓahari, wala yimiri, ata mupaka ritriye muhuri usoni mwa warumishi wa Mungu watru.»