MUV̄ENULIO 20:3 - Ha`bari Ndjema ya I Maore

³ Aivutsu Uzimu, auɓala, amwesa aufungu na utria muhuri uju mwaye, ile asudanganye tsena zinishani mupaka yimaha alifu yitsimidzihe. Ɓaanda ya v̄av̄o ilazimu ajeledzewe mwana muda.

MUV̄ENULIO 20:3 ပူးပေါင်းရင်းမြစ်များ

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 27:66

Ɓas, wandre watria hifadhwi likaɓuri ha ukadza ãlama hari mwa liɓwe lakoliɓalia, amwesa wahetsi madjeshi waligogeye.

MARKUSI 4:15

Ɓaãdhwi ya watru uka mauri ɗe wakati yamaela yapulihao ndziani. Uyakia yawo, Shetwani uja, uwatolea urongozi ule waka watrilwawo.

LUKASI 8:31

Amwesa mazetwani yale yamumia Insa asuyav̄elehe yandra Uzimu.

2 MAKORINTIYO 11:3

Ɓadi mauri ɗe inamuna inyoha yamudanganya Hawa ha udjandja wayo, nisuria amba koho la ãkili lanyu lasuje lalaɓiha, laɓauhana na uv̄umoja wa kweli tsena warahara wanyu na Kristi.

2 MONYE 3:8

Ɓadi v̄wa trongo, wav̄endzewa, ilio amba kayalazimu mwaiɗela, ne ɗe: Ha Raɓi, suku moja mauri maha alifu, na maha alifu mauri suku moja.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:14

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi.

MUV̄ENULIO 17:2

Ɗe v̄umoja na waye ɗe yamafalume ya ulemengu yakofanya zina, na uwakazi wa shiv̄andreju mwa tsi wakolewa ha ushi wa ususu wahe.»

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.

MUV̄ENULIO 20:1

Amwesa tsiono malayika yakoshuka ulawa pev̄oni, na wiyo ikana umufunguo wa Uzimu na silisili ɓole muhononi.